Նոր արբանյակային պատկերներ Հասանքէյֆէն

«Հասանքէյֆը փրկելու նախաձեռնութիւնը» կիսուեր է հնագոյն քաղաքին մէջ տիրող իրավիճակին վերաբերեալ նոր արբանեակային պատկերներով: Արբանեակային նկարահանումները ցոյց կուտան, որ Ըլլըսու ամբարտակը կը շարունակէ ջուր հաւաքել:

Ըստ նախաձեռնութեան անդամներուն՝ կ՛անհետանան ոչնչացման վտանգի տակ գտնուող եւ բազմաթիւ բնիկ կենդանական տեսակներ: Եթէ ամբարտակի աւազանը շարունակուի աճիլ այս արագութեամբ, ապա Հասանքէյֆն ու ամբողջ Տիգրիսի հովիտը կարճ ժամանակի մէջ կը յայտնուին ջուրի տակ:

Ըստ զեկոյցին՝ ջուրի տակ կը յայտնուին հետեւեալ շրջանները. Բաթմանի, Սիիրթի, Տիգրանակերտի, Մարդինի եւ Շըռնաքի նահանգները՝ ընդհանուր առմամբ 199 գիւղ եւ Հասանքէյֆի շրջանն ամբողջութեամբ կամ մասնակիօրէն: 200 բնակավայրերու մէջ մինչեւ 55000 մարդ կը կորսնցնէ իր տունը եւ/ կամ հողը, որոնցմէ 15000-ը ստիպուած պիտի ըլլան գաղթելու: 

Վերին Տիգրիսի հովիտը, ուր նախատեսուած է ամբարտակը, չափազանց կարեւոր է քաղաքակրթութեան պատմութեան համար: Այս տարածաշրջանին, որը յայտնի է որպէս Վերին Միջագետք, մարդկութեան պատմութեան մէջ ձեւաւորուեր են առաջին բնակավայրերը:

Input your search keywords and press Enter.