Վանի թագաւորութենէն մնացած Մենուայի ջրանցքը այսօր ալ կը ծառայէ իր նպատակին

Վանի մէջ՝ մոտ 3000 տարի առաջ կառուցուած Մենուայի 51 կմ երկարութեամբ ոռոգման ջրանցքը (Շամիրամի ջրանցքը) կը հանդիսանայ Արեւմտեան Հայաստանի եւ աշխարհի ճարտարապետական հրաշքներէն մէկը։ 

Մենուայի ջրանցքը կը ներկայացուի որպէս ջրաշինարարութեան առաջին օրինակներէն մէկը: Ջրանցքի մէկ այլ հետաքրքիր առանձնայատկութիւնն այն է, որ պաշտպանիչ պատերու մօտակայ վայրերուն տեղադրուած են ընդհանուր առմամբ 15 սեպագիր արձանագրութիւններ:

Մինչ այժմ այդ շրջանի որեւէ մէկ  շինութեան վրայ երբեւէ այդքան արձանագրութիւններ չեն հանդիպած: Մօտ 3000 տարի առաջ կառուցուած պատմական ջրանցքը դեռ մասամբ կը բաւարարէ Արեւմտեան Հայաստանի Վանի նահանգի Գիւրփընար, Էդրեմիտ (Արտամէտ) եւ Վան քաղաքի ոռոգման ջուրի կարիքները:

Վանի թագաւորութեան քաղաքակրթութիւնը յայտնի է ամբողջ աշխարհին: Էդրեմիթ-Արտամէտը այն կենդոններէն է, ուր աշխոյժ գործունէութիւն ծաւալուեր է եւ կառուցուեր են կարեւոր շինութիւններ: Անոնցմէ ամենակարեւորը Մենուայի ջրանցքն է։

Input your search keywords and press Enter.