ՀՀ Վարչապետն աշխատանքային այց պիտի կատարէ Ամերիկայի Միացեալ Նահանգներ

Հայաստանի Հանրապետութեան վարչապետ Նիկոլ Փաշինեանը սեպտեմբերի 21-ին աշխատանքային այցով պիտի մեկնի Ամերիկայի Միացեալ Նահանգներ:

Ինչպէս «Արմենպրես»-ին յայտնեցին ՀՀ վարչապետի աշխատակազմի տեղեկատւութեան եւ հասարակայնութեան հետ կապերու վարչութենէն, Նիկոլ Փաշինեանի այցը ԱՄՆ պիտի մեկնարկէ Լոս Անջելոսէն. Կիրակի օրը՝ Դեպտեմբերի 22-ին, վարչապետը պիտի մասնակցի Լոս Անջելոսի կեդրոնին գտնուող Գրանդ Փարքի մէջ նախատեսուած հանրահաւաքին, որտեղ հանդէս պիտի գայ ելոյթով: Նիկոլ Փաշինեանը նաեւ հանդիպումներ պիտի ունենայ Քալիֆորնիոյ եւ Լոս Անջելոսի ղեկավարութեան, ԱՄՆ-ի արեւելեան ափի հայ համայնքի հոգեւոր եւ աշխարհիկ կառոյցներու ղեկավարներուն եւ հայկական լրատեւամիջոցներու ներկայացուցիչներուն հետ: Լոս Անջելոսէն վարչապետը պիտի մեկնի Սան Հոզէ՝ Սիլիկոնեան հովիտ, ուր պիտի հանդիպի բարձր տեքնոլոգիաներու ոլորտի  ընկերութիւններու ներկայացուցիչներու, ինչպէս նաեւ հայազգի մասնագէտներու հետ: Այնուհետեւ վարչապետ Նիկոլ Փաշինեանը Նիւ Եորքի մէջ պիտի մասնակցի Միացեալ Ազգերու Կազմակերպութեան Գլխաւոր համաժողովի 74-րդ նստաշրջանի աշխատանքներուն եւ հանդէս պիտի գայ ելույթով: Կը նախատեսուի Հայաստանի վարչապետի հանդիպումը ՄԱԿ-ի Գլխաւոր քարտուղար Անտոնիօ Գուտերեշի հետ:

 

Input your search keywords and press Enter.