Նիւ Եորքի մէջ պիտի բացուի Արայ Գիւլերի լուսանկարներու ցուցահանդէսը

Պոլսահայ անուանի լուսանկարիչ, լրագրող Արայ Գիւլերի լուսանկարներու ցուցահանդէսը պիտի բացուի Նիւ Եորքի մէջ:

Ըստ «Արմենփրես»-ի, ասոր մասին կը յայտնէ թրքական «Անատոլու» լրատուական գործակալութիւնը:

Ցուցահանդէսին պիտի ներկայացուի Կիւլերի լուսանկարներուն այն շարքը, ուր պատկերուած է 1950-ական թուականներու Կոստանդնուպոլիսը:

Յայտնի է, որ Նիւ Եորքէն յետոյ ցուցահանդէսին յաջորդ կանգառը պիտի ըլլայ Հռոմը:

Թիւրքիոյ նախագահականի նախաձեռնութեամբ, Արայ Կիւլերի թանգարանի, արխիւի եւ ուսումնասիրութիւններու կեդրոնի համագործակցութեան շրջանակներուն մէջ արվեստագէտի ստեղծագործութիւնները կը ցուցադրուին աշխարհի կարեւոր քաղաքներուն մէջ: Լոնտոնէն, Փարիզէն եւ Քիոթոյէն ետք՝ չորրորդ կանգառը Նիւ Եորքն է:

Input your search keywords and press Enter.