Գրետա Թիւնբերգն ու եւս տասնհինգ երիտասարդներ դատական գործ կը հարուցեն հինգ երկիրներու դէմ, որոնց շարքին է՝ Թիւրքիան

Գրետա Թիւնբերգն ու տասնհինգ այլ երիտասարդներ Սեպտեմբեր 23-ին յայտարարեր են, որ իրենք դատի պիտի ուտան հինգ երկրներ՝ ընդհանրական տաքացման դէմ իրենց ձեռնպահութեան համար, որպէս ՄԱԿ-ի «Երեխայի իրաւունքներու պայմանադրութեան» խախտում: Միջազգային իրաւապաշտպան Hausfeld իրաւաբանական գրասենեակի օգնութեամբ եւ Unicef-ի համաձայնութեամբ հարուցուած այս աննախադէպ բողոքն ուղղուած է աղտոտող հինգ պետութիւններու դէմ՝ Ֆրանսայի, Գերմանիոյ, Արժանտինայի, Բրազիլիոյ եւ Թիւրքիոյ:

«Հակառակ որ այս պայմանադրութիւը ստորագրուեր է  երեսուն տարի առաջ, այդ երկրներու ղեկավարները չեն պահպաներ իրենց խոստումները», — նշեր է 16-ամեայ շուեդուհին  կլիմայական հարցերուն վերաբերուող ՄԱԿ-ի գագաթնաժողովի շրջանակներէն ներս, որ տեղի կ’ունենայ Նիւ Եորքի մէջ: Աշխարհի գրեթէ բոլոր երկիրները, բացառութեամբ Միացեալ Նահանգներու, վաւերացուցած են այս պայմանադրութիւնը, որ կը նախատեսէ պաշտպանել երեխաներու առողջութիւնն ու իրաւունքները: «Բոլորս ականատեսն ենք այն բանին, որ մեր իրաւունքները կը ոտնահարուին եւ կը  մերժուին», — աւելցուցեր է 14-ամեայ Ալեքսանտրիա Վիլլասենորը Միացեալ Նահանգներէն:

Այս իրաւական գործողութիւնը պէտք է թոյլ տայ առաջնորդներուն «հասկնալու», որ կայ «իրական արտակարգ իրավիճակ», — նշեր է ֆրանսացի 16-ամեայ Այրիս Դիւքեսնը։

 

ՄԱԿ-ի հետաքննող յանձնաժողով

 

Այս բողոքը կը համարուի չճանչցուած պայմանադրութեան  «կամընտրական արձանագրութեան» մաս մը: 2014 թուականէն այն թոյլ կուտայ երեխաներուն բողոք ներկայացնելու ՄԱԿ-ի Երեխայի իրաւունքներու յանձնաժողովին, եթէ կը կարծեն, որ իրենց իրաւունքները կը ոտնահարուին:  Յանձնաժողովը պէտք է հետաքննէ ենթադրեալ խախտումները, այնուհետեւ առաջարկութիւններ պիտի ըլլան նշուած պետութիւններուն՝ զանոնք դադարեցնելու համար: «Առաջարկութիւնները պարտադիր չեն, բայց 44 պետութիւնները վավերացուցեր են այս արձանագրութիւնը եւ համաձայներ են հարգել անոնք», նշեր է Մայքլ Հաուսֆելդը, որը նաեւ հոյս  հայտներէ, որ առաջարկութիւնները կըլլան առաջիկա տասներկու ամիսներու ընթացքին:

Այն 5 պետութիւնները, որոնց դէմ ուղղուած է բողոքը, նոյնպէս կը մտնեն այդ 44 պետութիւններու մէջ եւ կը համարուին աշխարհը աղտոտող պետութիւններ, ինչպէս նաեւ մեծ ազդեցութիւն ունին G20-ի մէջ։ 

Հարց կառաջանայ՝ թէ ինչու՞ այդ երկիրներուն եւ ոչ Միացեալ Նահանգներուն, Չինաստանին կամ Հնդկաստանին, որոնք  կը համարուին աշխարհի ամենամեծ արտանետողները եւ չեն վավերացուցած այդ արձանագրութիւնը: Հին ինդուստրիալ զարգացած երկիրները, ինչպիսիք են Ֆրանսիան եւ Գերմանիան, պատասխանատու են նախկին ժամանակ  կատարուած արտանետումներու մեծ մասնաբաժնի համար, չնայած անոնք այսօր չեն համարուիր ջերմոցային գազեր արտանետող խոշորագոյն երկիրներ, կը պնդէ Հաուսֆելդի գրասենեակը։ 

Արեւմտեան Հայաստանի Հանրապետութեան Նախագահ Արմենակ Աբրահամեանն իր հերթին, այս բողոքի հայցի բովանդակութիւնը ներկայացուցեր է Արեւմտեան Հայաստանի Ազգային Ժողովի պատգամաւորներուն եւ քննարկում ծավալել հարցին լուծում տալու վերաբերեալ։

Input your search keywords and press Enter.