Հինգշաբթի օրը իր հոգին աւանդեց Հինգերորդ հանրապետութեան հինգերորդ նախագահ Ժակ Շիրակը

ԿԱՐԻՆ — Այս Հինգշաբթի գրեթէ կեսօրին պաշտօնապէս անոր ընտանիքը հրապարակեց. “Ժակ Շիրակը վախճանեցաւ Հինգշաբթի օրը, 86 տարեկան հասակին”:

 

Սա  Ֆրանսայի կէսդարեայ քաղաքական պատմութեան շրջադարձային մէկ էջն է: Ան՝ ով 1974-76, 1986-88 թուականներուն  վարչապետ էր, նաեւ երեք անգամ Փարիզի քաղաքապետը՝ երկիրը ղեկավարեց 12 տարի (1995-2007):

 

Իր ուղերձով Նախագահ Մակրոնը յարգանքի տուրք մատուցեց՝ ըսելով․ «Ան պետական գործիչ մըն էր, որուն կը սիրէինք այնքան՝ որքան ան մեզ կը սիրէր»: 

Երկուշաբթի օրը սգոյ օր յայտարարուեցաւ: Կէսօրին Փարիզի Սենտ-Սուլպիս եկեղեցիէն ներս տեղի պիտի ունենայ հանդիսաւոր արարողութիւն:

 

Նախագահ Արմենակ Աբրահամեանը կը միանայ Ֆրանսայի ազգային այս յարգանքի տուրքին՝ յիշեցնելով, Նախագահ Շիրակի եւ անոր կնոջ այցը Հայաստանի Հանրապետութիւն, եւ խոնարհումը Ծիծեռնակաբերդի յուշահամալիրին դիմաց, երբ ծունկի եկան ի յիշատակ Արեւմտեան Հայաստանի մէջ թրքական կառավարութիւններուն կողմէ կոտորուած երկու միլիոն հայերուն:

Նախագահ Արմենակ Աբրահամեանը կ՛ըսէ. «Մեծ մարդիկ երբ կը հեռանան մեզմէ եւ կը միանան համասփիւռ աստղերուն, անոնց յիշատակը կենդանի կը մնայ մարդկութեան եւ հոգեւոր արդարութեան առջեւ:

Արեւմտեան Հայաստանի հայ ժողովուրդը պարտաւոր է ճանչնալու իրեն հանդէպ արդար եղողներուն, պէտք է անոնց յիշատակը ամրապնդուի եւ մեծարուի, ինչպէս անոնք կը մեծարեն յաւերժական Արեւմտեան Հայաստանը:

Մագալի ՖՈՐԵՍՏԻԵՐԸ՝ յատուկ բանագնացը Հայաստան, որ զեկուցեր էր Նախագահ Շիրակի 2006 թ.-ին Հայաստանի Հանրապետութիւն կատարած պաշտօնական այցին մասին, որուն ընթացքին Նախագահն հաստատեր էր, որ Թիւրքիան պէտք է ճանչնայ հայերու դէմ կատարուած ցեղասպանութիւնը՝ որպէսզի միանայ Եւրոմիութեան։

 

Վերյիշենք Նախագահ ՇԻՐԱԿ-ի գնահատատականը՝ հայ երիտասարդներէն ստացած շնորհակալութեան դիմաց, եւ ապա Շառլ ԱԶՆԱՒՈՒՐ-ի տուած համերգը Ֆրանսայի մէջ՝ որով բացուեցաւ հայկական մշակոյթի տարին Ֆրանսայի մէջ: Ժակ Շիրակի Երեւան կատարած այցի փաստական պատկերներու մեկնաբանութիւնը, Շառլ ԱԶՆԱՎՈՒՐ-ի համերգը, ուր հնչեց Նախագահ Շիրակի ուղերձի մէկ հատուածն ու այնտեղ ներկայ Ազգային Ժողովի պատգամաւոր ու Ֆրանսայի պատուիրակութեան անդամ Պատրիկ ԴԵՒԷՋԵԱՆԻ հարցազրոյցը․

«Ներկայացուած հարցին վերաբերեալ,  Թիւրքիան պէտք է որ ճանչնայ ցեղասպանութիւնը … անկեղծօրէն կը հաւատամ, որ որեւէ երկիր կը մեծարուի՝ ճանչնալով իր ողբերգութիւններն ու իր սխալները …», — յայտարարեց ան ասուլիսին։ Ան ըսաւ, որ նոյն ձեւով, ինչպէս երբ Գերմանիան ոգեշնչուեցաւ ճանչնալով Հոլոքոստը՝ Թիւրքիան ալ կրնայ ոգեշնչուիլ» — ասոնք էին իր խորհուրդները, հայերու դէմ կատարուած ցեղասպանութիւնը ճանչնալուն վերաբերեալ:

«Սա շատ հզօր խօսք է, որ կ՛ամբողջացնէ Վիչիի ըսածը՝ Պետութեան մը պատասխանատւութեան մասին յայտարարութեան, եւ որ մաս կը կազմէ մարդու իրաւունքներու ֆրանսական աւանդոյթին… », — մեկնաբանեց պատգամաւոր Դեւէջեանը, ով մաս կը կազմէր պատուիրակութեան.

Երեւանի մէջ հանդիսաւորապէս “Ֆրանսայի Հրապարակ”-ի բացման արարողութիւնը կատարուեցաւ, եւ Նախագահ Շիրակը բարձր գնահատանքի արժանացաւ հայ երիտասարդներու կողմէ։ Հազարաւոր մարդիկ ներկայ գտնուեցան Ֆրանսայի մէջ հայկական մշակոյթի տարին մեկնարկած ազգային հերոսի՝ Շառլ Ազնաւուրի համերգին:

Input your search keywords and press Enter.