ՀՀ-ՌԴ ռազմավարական կապերը վերընթաց կը զարգանան. Փաշինեանը փայլուն որակած է Պուտինի հետ իր զրոյցը

Ասոր մասին Հայաստանի Հանրապետութեան վարչապետը գրառում մը կատարեր է «Ֆէյսբուք»-ի իր էջին։ 

«Փայլուն զրոյց ունեցանք Ռուսաստանի Դաշնութեան նախագահ Վլադիմիր Պուտինին հետ: Մեր ռազմավարական յարաբերութիւնները վերընթաց զարգացում  կ’ապրին»,- նշեր է Նիկոլ Փաշինեանը։

Հանդիպումը կայացեր է Հոկտեմբերի 1-ին Երեւանի մէջ՝ Եւրասիական տնտեսական Բարձրագոյն խորհուրդի նիստէն ետք։ 

Ռուսաստանի Դաշնութեան նախագահ Վլադիմիր Պուտինը եւս ընդգծեր է հայ-ռուսական յարաբերութիւններու ռազմավարական բնոյթը։

Հայաստանի Հանրապետութեան վարչապետի աշխատակազմի տրամադրած հաղորդագրութեան համաձայն՝ ջերմ եւ բարեկամական մթնոլորտի մէջ անցած առանձնազրոյցի ընթացքին Հայաստանի վարչապետն ու Ռուսաստանի նախագահը քննարկեր են երկկողմ հետաքրքրութիւն ներկայացնող հարցերու լայն շրջանակ: Մասնաւորապէս, զրուցակիցներն անդրադարձեր են հայ-ռուսական տնտեսական համագործակցութեան, ռազմաքաղաքական գործընկերութեան յետագայ ամրապնդման, տարածաշրջանային նշանակութեան հարցերու:

Input your search keywords and press Enter.