Կը կազմակերպուի «Արցախը մեր տունն է» խորագիրով փառատօն

Հոկտեմբերի 4-ին եւ 5-ին Արցախի Հանրապետութեան մշակոյթի, երիտասարդութեան հարցերու եւ զբօսաշրջութեան նախարարութիւնն Արցախի ռուսական եւ յունական համայնքներու հետ համատեղ կը կազմակերպէ «Արցախը մեր տունն է» խորագիրով փառատօնը՝ Արցախի մէջ բնակող տարբեր ազգերու ներկայացուցիչներու բարեկամական յարաբերութիւնները ամրապնդելու նպատակով:

Արցախի Հանրապետութեան Մշակոյթի Երիտասրդութեան Հարցերու եւ Զբօսաշրջութեան մամլոյ ծառայութեան փոխանցմամբ՝ փառատօնի առաջին օրը՝ Հոկտեմբերի 4-ին՝ ժամը 15:00-ին, «Արմենիա» հիւրանոցի ժողովներու դահլիճին մէջ պիտի կազմակերպուի կլոր սեղան, որուն պիտի մասնակցին Արցախի եւ Հայաստանի ազգային փոքրամասնութիւններու ներկայացուցիչները, պետական մարմիններու, գերատեսչութիւններու, հասարակական կազմակերպութիւններու ներկայացուցիչները:

Հոկտեմբերի 5-ին՝ ժամը 13:00-16:00-ն Ստեփանակերտի Շառլ Ազնաւուրի անուան մշակոյթի կեդրոնի հարակից տարածքին իւրաքանչիւր ազգային փոքրամասնութիւն իրեն յատկացուած, յատուկ ձեւաւորուած տաղաւարը պիտի ներկայացնէ իր ազգային խոհանոցը, որ պիտի ուղեկցի երգով ու պարով:

 

Input your search keywords and press Enter.