Փորձարկուեր Է C-500 ռուսական հակաօդային պաշտպանութեան համակարգը

Սուրիոյ մէջ յաջողութեամբ փորձարկուեր Է C-500 «Պրոմեթեւս» հակաօդային պաշտպանութեան համակարգը: Ասոր մասին կը տեղեկացնԷ «Արմենպրես»-ը, Հոկտեմբերի 2-ին յայտներ Է «Իզվեստիա» հրատարակութիւնը՝ վկայակոչելով Ռուսաստանի Դաշնութեան պաշտպանութեան նախարարութեան եւ ռազմարդիւնաբերական համալիրի աղբիւրները:

Հրատարակութեան տուեալներով՝ ՀՕՊ-ի փորձարկան ընթացքին  շարք մը թերութիւններ յայտնաբերուեր են սարքի աշխատանքին մէջ, սակայն յաջողուեր Է գործուն կերպով լուծել խնդիրները: Ներկայ պահին փորձարկումներն աւարտուած են:

Աւելի վաղ Ռուսաստանի Դաշնութեան պաշտպանութեան նախարար Սերգէյ Շոյգուն յայտներ Էր, որ զօրքերուն C-500 համակարգերու մատակարարումները պիտի սկսին 2020 թուականին: Համալիրը պիտի ստեղծուի յառաջիկայ 25 տարուան ընթացքին շահագործուելու համար: Արեւմտեան մամուլին մէջ նշուած Է, որ փորձարկումներուն ընթացքին ռուսական նոր համակարգը կրցեր Է թիրախ խոցել 481,2 կիլոմետր հեռաւորութեան վրայ, ինչը 80 կիլոմետրով աւելի Է, քան ՀՕՊ-ի գոյութիւն ունեցող որեւէ համակարգի հեռահարութիւնը, — հաղորդեր Է ՏԱՍՍ-ը:

Input your search keywords and press Enter.