Երեւանի մէջ բացուեցաւ «WCIT 2019» ՏՏ համաշխարհային համաժողովը։

Համաժողովին մեկնարկը տրուեցաւ Հանրապետութեան հրապարակին մէջ դասական երժշտութեան համերգով, զոր կատարեց Համաշխարհային նուագախումբը՝ Սերգէյ Սմբատեանի գլխաւորութեամբ: Նուագախումբը  աշխարհի մէջ առաջին անգամն ըլլալով կատարեց հայ շարականներու հնչիւներուն հիմքով, արհեստական բանականութեան կողմէ տեղւոյն վրայ ստեղծուած երաժշտութիւնը: Այնուհետեւ ելոյթով հանդէս եկաւ աշխարհահռչակ տեքնօ ոճի երաժիշտ Արմին Վան Բիւրենը:

Աշխարհի ամենահեղինակաւոր ՏՏ միջոցառումը կը կայանայ Հոկտեմբերի 6–էն 9-ն։ Միջոցառման բացման ելոյթով հանդէս եկան վարչապէտ Նիկոլ Փաշինեանը, Տեղեկատուական տեքնոլոգիաներու եւ ծառայութիւններու համաշխարհային դաշինքի նախագահ  Իւոն Չուն եւ Առաջատար տեքնոլոգիաներու ձեռնարկութիւններու միութեան նախագահ  (ԱՏՁՄ) Ալեքսանդր Եսայեանը։

«WCIT 2019» ՏՏ համաշխարհային համաժողովը հիմնադրեր է Տեղեկատուական տեքնոլոգիաներու եւ ծառայութիւններու համաշխարհային դաշինքը։ 

Դաշինքը 83 երկիրներու տեղեկատուական եւ հաղորդակցութեան տեքնոլոգիաներու միութիւններէն բաղկացած ընկերակցութիւն է, որ կը ներկայացնէ ոլորտի 90 տոկոսը։

Երեւանեան համաժողովին կը սպասուի աւելի քան 2500 մասնակից՝ 70 երկիրներէ։ Այս տարի «WCIT 2019» համաժողովի նիւթն է՝ «Ապակեդրոնացման ուժը. ակնկալիք եւ վտանգ»։ 

Աւելի մանրամասն «WCIT 2019» մեր կայքէն եւ Իւթուբեան էջէն:

Input your search keywords and press Enter.