Արցախի դրօշակով դրոնը խառնաշփոթ յառաջացուցեր է Եւրոպական լիգայէն ներս

Լիւքսեմբուրգի մէջ տեղի  ունեցեր է Եւրոպայի լիգայի խմբային փուլի հանդիպումը տեղական «Դիւդելանժի» եւ Ատրպէյջանի «Ղարաբաղ» ակումբին միջեւ: Խաղի 30-րդ րոպէին մարզադաշտի երկինքին Արցախի Հանրապետութեան դրօշակը ծածանող դրոն  մը յայտուեր է:

Խաղը կասեցուեր է, իսկ Ատրպէյջանական թիմի որոշ ֆուտբոլիստներ փորձեր են գնդակով ցած նետել դաշտի կեդրոնին կախուած դրոնը, սակայն չեն յաջողած: Հրմշտոց  սկսեր է, թիմերը հեռացեր են խաղադաշտէն, սակայն որոշ ժամանակ անց հանդիպումը վերսկսեր է։

1990-ականներուն Արցախի (Լեռնային Ղարաբաղի) եւ Ատրպէյջանի միջեւ հակամարտութիւնը հանգեցուց մօտ 30 000 մարդու մահուան, իսկ 1994-ին  զինադադար կնքուեցաւ, բայց այդ ժամանակէն ի վեր երկու երկրներուն միջեւ յարաբերութիւնները մնացին անփոփոխ՝ լարուած, եւ սահմանին երկկողմանի կրակի առկայութեամբ։

Սա առաջին դէպքը չէ, երբ այս հակամարտութիւնը հետեւանքներ կ՛ունենայ ֆուտպոլի ոլորտոէն ներս: «Արսենալ»-ի հայ կիսապաշտպան Հենրիխ Մխիթարեանը Մայիս ամսուն չգնաց Բաքու, Ատրպէյջան՝ Եւրոպական լիգայի եզրափակիչ խաղին մասնակցելու համար։

Input your search keywords and press Enter.