Մայր Սուրիոյ Երիտասարդական միութիւն․ Գլխաւոր քարտուղարութեան Կոչը

Հաշուի առնելով Հասակէյի նահանգի մեր աշխարհագրական շրջակայքին եւ մեր հայրենիքի հիւսիսային բոլոր սահմանային գօտիին շուրջ տիրող այս կասկածելի զարգացումներն ու Օսմանեան սուլթանութեան թոռնիկի սպառնալիքները՝ կեղծ պատրուակներու ներքոյ Սուրիոյ տարածք ներխուժելով զայն գրաւելու համար, չարամիտ գաղութարար նպատակներու համար, եւ այնտեղ մնացած բնիկ Սուրիացիները տեղահանելով անոնց տարածքները լեցնելու զինեալներով ու հազարաւոր օտար վարձկաններով, որոնք կը սպասեն Էրդողանի հրամաններուն, եւ այդ բոլորը կ՛ուղեկցուին ԶԼՄ-ներու յայտարարութիւններու պատերազմով, զորս կը բոցավառեն  լրատուամիջոցներու հարթակները եւ իրենց թանձր ստուերը կը տարածեն հասարակութեան լայն զանգուածին վրայ, խաբէութեամբ, սուտերով ու կեղծիքով խառնաշփօթ ստեղծելով ժողովուրդին մօտ:

Մայր Սուրիոյ երիտասարդութիւնը կը դիմէ Սուրիական Ջէզիրէյի շրջաններուն եւ օտարութեան մէջ ապրող մեր ժողովուրդին՝ պահանջելով միաւորել դիրքերը, մերժելու համար թրքական այս ստոր միջամտութիւնը, որով կ՛ուզէ իր հերթական կոտորածներն իրականացնել տարածաշրջանի ժողովուրդին դէմ: Կոչ կ՛ընենք տեղի մեր ժողովուրդին ըլլալու զգօն, քանզի բաւարար է ինչքան որ մասնատուեցանք, եւ ժամանակն է պատրաստ ըլլալու եւ հնարաւոր ամեն ձեւով դիմագրաւելու այդ չարիքը:

Մենք կոչ կ՛ընենք նաեւ օտար երկիրներու մէջ գտնուող մեր հայրենակիցներուն՝ օրինականութեան սահմաններուն մէջ իրենց գործուն դերը կատարելու այդ երկրներէն ներս, շարժման միջոցով ճնշելով Էրդողանին եւ անոր օգնականներուն՝ առկայ բոլոր միջոցներով զսպելու համար անոնց ընդլայնուելու յանցաւոր ծրագիրները, այդպիսով աջակցելով մեր հայրենիքի բնակիչներուն:

Ինչ կը վերաբերի հայրենիքի մեր եղբայրներուն եւ բոլոր նուիրական ու յարգուած մարդկանց, ապա թող մէկ կողմ նետեն մեր տարբերութիւններն ու քաղաքական նախագիծերը: Հայրենիքը ամեն ինչէ թանկ է, ուստի եւ ոչ մէկ արժէք ունի որեւէ նախագիծ, եթէ հայրենիքը աւերակուած է, բռնագրաւուած, դատարկուած է իր բնակչութենէն ու քաղաքացիներէն: Մենք միշտ քաղաքական վէճը կը դիտարկենք որպէս դրական իրավիճակ, բայց վէճը վերածել թշնամութեան՝ աղետ կ՛առաջաքնայ, ինչը ոչ պակաս վնասակար է, քան թիւրքն ու անոր օգնականներու գործողութիւնները, ուստի մենք բոլորս պէտք է հրաժարինք դաւաճանութեան լեզուէն եւ բոլորին ընդունինք ամբողջ հայրենիքի շրջանակներուն մէջ, բոլոր իրաւունքներով ու պարտականութիւններով, որպէսզի պահպանենք մեր հայրենիքն իր ամբողջական սահմաններով եւ վտարենք բոլոր բռնագրաւիչները մեր սուրբ հողի իւրաքանչիւր թիզէն, որպէսզի կարողանանք մեր արդար արժանիքներով երկխօսիլ ազգային շրջանակի մէջ։ Կոչ կ՛ընենք բոլոր քաղաքական ուժերուն՝ թափանցիկ եւ բաց քննարկման, Սուրիոյի օրինական կառավարութեան հետ, եւ չկուսակցականացնել կամ չտեղայնացնել խնդիրները, որպէսզի պետութիւնը կարողանայ ձեռնարկել բոլոր անհրաժեշտ միջոցները եւ պաշտպանէ իր քաղաքացիներն ու տարածքը:

Իմաստութիւնը այժմ կը թելադրէ, որ միաւորուած ըլլանք որպէս Սուրիացիներ, եւ մեր կողմնացոյցը դառնայ Դամասկոսը, միմիայն Դամասկոսը:

Բոլոր տարածաշրջանային և միջազգային տէրութիւնները կ՛աշխատին իրենց շահերուն համար, ոչ թէ յօգուտ Սուրիոյ ժողովուրդին, եւ բոլորիդ վրայ մեր վստահութիւնը մեծ է, յաղթահարելու համար այս դժուարին օրերը եւ այնուհետեւ կառուցելու մեր տունն ամուր եւ ուժեղ հիմքերու վրայ, մեր բոլոր երեխաներուն համար:

Եզրափակելով, մենք Մայր Սուրիոյ միասանականութեամբ՝ պատրաստ ենք աշխատելու եւ հանդիպելու բոլորին հետ, համագործակցելու բոլորին հետ, որպէսզի ծառայենք մեր մարզերուն եւ մեր հայրենիքին ամբողջ ազգային շրջանակներէն ներս, եւ Աստուած փրկէ մեր հայրենիքը բոլոր չարիքներէն եւ ատելութիւններէն:

Մայր Սուրիոյ Երիտասարդական միութիւն 

Գլխաւոր քարտուղարութիւն

Ղամիշլի, 8․10․2019 թ․

Input your search keywords and press Enter.