Սուրիա. Անվտանգութեան խորհուրդը կ՛ակնկալէ Սահմանադրական յանձնաժողովի առաջին նիստի կայացումը մինչեւ 2019 թուականի Հոկտեմբեր 30-ը

Անվտանգութեան խորհուրդը ընդուներ է նախագահական յայտարարութիւն, որն ընթերցուեր է Հարաւային Ափրիկէյի մշտական ներկայացուցիչին կողմէ։ Ան ողջուներ է Գլխաւոր քարտուղարին կողմէ Սեպտեմբերի 23-ին կատարուած յայտարարութիւնը, այն մասին, որ Սուրիոյ Արաբական Հանրապետութեան կառավարութիւնը եւ Սուրիական բանակցող յանձնաժողովը համաձայնութեան եկեր են Ժընեւի մէջ ՄԱԿ-ի հովանիին ներքոյ կայացող «հաւաստի, հաւասարակշիռ եւ ներառական» սահմանադրական յանձնաժողովին շուրջ:

Խորհուրդը կը կարծէ, որ այս սահմանադրական յանձնաժողովին ստեղծումը, որ պէտք է «ուղղորդուի եւ վերահսկուի Սուրիացիներուն կողմէ», պէտք է մեկնարկէ քաղաքական գործընթացին սկիզբը, որն ուղղուած է Սուրիական հակամարտութեան վերջ տալուն` համաձայն իր 2254 (2015) բանաձեւի դրոյթներուն։

Այս յայտարարութեամբ խորհուրդը լիովին կ՛աջակցի Յատուկ պատուիրակ Պրն․ Գէյր Փեդերսէնին եւ ՄԱԿ-ի նախաձեռնութեան` սահմանադրական յանձնաժողովի առաջին հանդիպումը Ժընեւի մէջ մինչեւ 2019 Հոկտեմբեր 30-ը կայացնելուն վերաբերեալ։

Խորհուրդը կը վերահաստատէ, որ Սուրիական հակամարտութիւնը չի կրնար ունենալ ռազմական լուծում, եւ որ ան կրնայ լուծուիլ միայն 2254 (2015) բանաձեւի լիարժէք իրականացման միջոցով:

Խորհուրդը կը վերահաստատէ իր լիակատար նուիրուածութիւնը Սուրիոյ ինքնիշխանութեան, անկախութեան, միասնութեան եւ տարածքային ամբողջականութեան:

Input your search keywords and press Enter.