Թրքական բանակի ռազմական գործողութիւնները այսպէս կոչուած «Սուրիոյ դեմոկրատական ​​ուժերուն» դէմ կը շարունակուին: Նախօրէի օդային յարձակումներուն այսօր աւելցեր են նաեւ հրետանային հարուածները:

Յարձակման ենթարկուեր են  Ասադիյա, Բիր Նոուխ, Մուշարաֆ եւ Խըրբեթ ալ-Բանաթ գիւղերը, Այնին Իսա եւ Թել Աբյադ քաղաքներու արուարձանները:

Twitter-ի աղբիւրը (@M__Delal) կը տեղեկացնէ, որ կը հրթիռակոծուի նաեւ Ղամիշլի քաղաքը, եւ քաղաքի հիւանդանոցներուն մէջ տասնեակներով վիրաւորներ կան: Առայժմ հաստատուած է միայն մէկ երեխայի մահուան լուրը:

Իր առաջին կորուստներուն մասին յայտներ է նաեւ Թիւրքիոյ պաշտպանութեան նախարարութիւնը:

Իրաք տեղակայուած Քրդստանի աշխատաւորական կուսակցութեան ուժերը քիւրդերուն կոչ ըրեր են միաւորուելու՝ թրքական բանակին դիմակայելու համար: Ըստ քրդական Hawar News գործակալութեան, PKK-ն կոչ կ՛ընէ Սուրիոյ, Իրաքի եւ Թիւրքիոյ ողջ քիւրդ ժողովուրդին՝ միաւորուելու եւ դիմակայելու ներխուժման:

Input your search keywords and press Enter.