Սեբաստիոյ մէջ տեղի ունեցաւ Հայկական Գամփռ շնատեսակի գեղեցկութեան մրցոյթը

Մրցոյթին կը մասնակցէին այլ անուանումով՝ Կանգալ վերակոչուած շուները, իրենց տէրերուն հետ եւ բազմաթիւ քաղաքացիներ: 8 աստիճանակարգով նախատեսուած գեղեցկութեան մրցոյթին  մասնակցեցան 103 շուներ: Հիմնական աստիճանակարգերն էին՝ ձագ, երիտասարդ, հասուն եւ տարիքն առած։ Գամփռները ժիւրիին առջեւ ներկայացան տէրերուն հետ միասին: Ժիւրիի անդամները յատկապէս շուներուն դիտարկեցին եւ գնահատեցին ըստ գլխու, մարմինի, պարանոցի, ոտքերու եւ գոյնի առանձնայատկութիւններուն: Որոշ շուներ ժիւրիին առջեւ անյարմար պահեր ստեղծեցին տէրերուն համար: Այս գունեղ մրցոյթին առանձնակի ուշադրութեան արժանացան Գամփռի ձագերը։

Մրցոյթի աւարտին յաղթող շուներու տէրերուն յանձնուեցան տարբեր մրցանակներ:

Մրցոյթի հիմնական նպատակն է պահպանել շուներու այս տեսակը։

Input your search keywords and press Enter.