Աշխարհի տարբեր ծայրերէն Երեւան կը ժամանեն մեր օրերու հռչակաւոր կոմպոզիտորները

Հայաստանի պետական սիմֆոնիկ նուագախումբը կը ներկայանայ նոր մեծ նախագիծով. Նոյեմբերի 1-էն 9-ն Հայաստանի մէջ առաջին անգամ կը կայանայ «Ժամանակակից դասականներ» երաժշտական փառատօնը։

Նախաձեռնութեան շրջանակէն ներս աշխարհի տարբեր ծայրերէն Երեւան կը ժամանեն մեր օրերու հռչակաւոր կոմպոզիտորները՝ Ցիգան Չենը, Քշիշտոֆ Պենդերեցկին, Ալեքսէյ Շորը, Գեորգս Պելեցիսը, Ալեքսանդր Չայկովսկին եւ Կառլ Ջենկինսը, անոնց կը միանայ նաեւ մեր մեծանուն մայեստրօ Տիգրան Մանսուրեանը։ Այս երաժիշտներն այսօր կը ստեղծեն դասական արուեստը, անոնք դասական երաժշտութեան մերօրեայ հերոսներն են:

Սա աշխարհի առաջին փառատօնն է, որ բացառիկ հնարաւորութիւն կ՛ընձեռնէ նոյն վայրին մէջ տեսնելու բազմաթիւ աշխարհահռչակ երաժիշտներու ամբողջ աստղաբոյլ մը: Փառատօնային համերգներէն իւրաքանչիւրը կը նուիրուի երաժիշտներէն մէկուն, որուն ընթացքին կը ներկայացուին հեղինակներու ստեղծագործութիւնները։ 

Input your search keywords and press Enter.