ԱՀ Նախագահ Արմենակ Աբրահամեանի յայտարարութիւնը

Յարգելի հայրենակիցներ եւ սիրելի ընկերներ,

Այս օրը պատմական օր է, եւ այդ պատճառով կը ցանկանամ Ձեզի դիմել Արեւմտեան Հայաստանի անունով:

Սուրիական դիւանագիտական հմտութիւններու եւ Սուրիոյ դեմոկրատական ուժերու կամքին շնորհիւ, պայմանաւորուածութիւն ձեռք բերուեր է Սուրիոյ հիւսիսին թրքական բանակի յարձակմանն հակազդելու վերաբերեալ, որուն առիթով կը ցանկանայի շնորհաւորել ձեզ:

Ակնյայտ է, որ պատերազմի աւարտը դեռ մօտ չէ, եւ ամեն օր մեզի կը հասնին պատուոյ դաշտին ինկած հայրենիքի որդիներուն անունները:

Թիւրքիոյ Սուրիայի հիւսիսը բռնակցելու կամքը՝ ակնյայտօրէն կը յիշեցնէ Արեւմտեան Հայաստանի ու Կիլիկիոյ բռնակցումը իր կողմէ։ Միակ տարբերութիւնն այն է, որ այսօր Սուրիոյ որդիներու կենդանի ուժերը՝ համարձակ եւ վստահ, պատրաստ են դիմակայելու որեւէ ռազմական ոտնձգութեան, ինչի ականատեսը կ՛ըլլանք մենք արդէն ութ տարիէ ի վեր:

Կոչ կ՛ընեմ, առանց որեւէ քարոզչութեան, յատկապէս արեւմտեան պետութիւններուն, հաշուի առնել այս իրավիճակը եւ պատմական այս իրողութիւնը, որ այստեղ Սուրիան նախայարձակ չէ։ Այս փաստը հաճելի կ՛ըլլայ թէ ոչ, Սուրիան կը պաշտպանէ իր տարածքն ու իր ժողովրդը ոտնձգումէն․ եւ ինչպէ՞ս կրնար այլ կերպ ըլլալ:

Ահա թէ ինչու, յարգանքներս կը յայտնեմ Նախագահ Բաշշար Ալ-Ասադին, այն նախագահին, ով աւելի քան 8 տարի կը դիմակայէ  պատերազմին՝ իր հայրենիք Սուրիոյ մէջ, այսպէս կոչուած «արաբական գարնան» դէմ, ուր ոչ գարուն կար, ոչ արաբ եւ առաւել եւս արաբական։ Եւ կը պայքարի մարդու իրաւունքներու աղաւաղուած ընթերցման դէմ, որն ալ հանգեցուց ծայրայեղական պանիսլամիզիմի առաջացման։

Կը ցանկանամ նաեւ իմ յարգանքներն ուղղել տիկին Ալ-Ասադին, ես կը հասկնամ եւ կը կիսեմ անոր պայքարը՝ ոչ միայն կնոջ, եւ մօր կարգավիճակը պահպանելու համար, այլև Սուրիոյ առաջին տիկնոջ՝ աջակցելով Նախագահին իր բոլոր ձեռնարկումներուն։

Ես կը գիտակցիմ այն բոլոր դժուարութիւնները, որոնցմով ան կ՛ապրի իր կեանքը, եւ ես կը խոնարհուիմ Նախագահի կողքին գտնուելու իր ցանկութեան առջեւ՝ այս պայքարի տարիներուն ընթացքին անոր սատարելուն համար:

Պարոն Նախագահ, Արեւմտեան Հայաստանը, ի սկզբանէ եւ դուք այդ գիտէք, մօտ է Սուրիական հայրենիքի զաւակներուն, որովհետեւ այս հայրենիքը բաղկացած է երկրի ամենահին ժողովուրդներու զաւակներէն:

Պարոն Նախագահ, Ձեր ձեռքին են Սուրիոյ ապագայի, Սուրիական պետութեան բանալիները, իմ հերթին, ես կը պայքարիմ Արեւմտեան Հայաստանի մէջ հայկական պետութեան վերածնունդին համար, ինչպէս որոշուած էր, եւ միեւնոյն ժամանակ որոշուած էր նաեւ Սուրիական պետութեան ձեւաւորման համար:

Պարոն Նախագահ, Արեւմտեան Հայաստանի համար Սուրիան սուրբ Հայաստանի մասն է, այս հոգեւոր Հայաստանը, այս Սուրիան, որ որոշ յանցագործներու համար, զայն օգտագործեր են որպէս թաղման վայր վտանգի տակ գտնուող մարդկանց համար, մինչդեռ այսօր երեխաներ կը ծնին այդ ժողովուրդէն եւ այս երկիրէն, այս Սուրիոյ երեխաները, որոնք ընդունեցին եւ ապաստան տուին տասնեակ հազարաւոր որբերու, Ահա թէ ինչու, պարոն Նախագահ, ես կրկին յարգանքի տուրք կը մատուցեմ, դէպի ապագայ աշխարհի ձեր տեսլականը տարածաշրջանի բոլոր հինաւուրց ժողովուրդներուն, Սուրիոյ հինաւուրց ժողովուրդներուն համար:

Կեցցէ՛ ազատ Սուրիան, կեցցէ՛ ազատագրուած Արեւմտեան Հայաստանը:

Արմենակ ԱԲՐԱՀԱՄԵԱՆ 

Արեւմտեան Հայաստանի Հանրապետութեան Նախագահ

Input your search keywords and press Enter.