Բակօ Սահակեանը ներկայ գտնուեր է Հայ-իրանական գիտամշակութային կեդրոնի բացման

Արցախի Հանրապետութեան Նախագահ Բակօ Սահակեանը Հոկտեմբերի 14-ին Շուշի քաղաքին մէջ ներկայ գտնուեր է Հայ-իրանական գիտամշակութային կեդրոնի բացման արարողութեան:

Ինչպէս «Արմենպրես»-ին տեղեկացուցին Արցախի Հանրապետութեան Նախագահի աշխատակազմի տեղեկատւութեան գլխաւոր վարչութենէն, Նախագահ Սահակեանն իր երախտագիտութիւնը յայտներ է «Իդէա» եւ Արեւելեան պատմական ժառանգութեան պահպանման հիմնադրամներուն՝  նախագիծի իրականացման համար, յոյս յայտնելով, որ կեդրոնը կարեւոր դերակատարութիւն կ՛ունենայ հայ-իրանական կապերու ամրապնդման, միջկրօնական եւ քաղաքակրթական երկխօսութեան, ինչպէս նաեւ Շուշիի մէջ զբօսաշրջութեան զարգացման գործին:

Միջոցառման ներկայ էին Հայ Առաքելական Եկեղեցիի Արցախի թեմի առաջնորդը, ԱՀ ԱԺ նախագահ Աշոտ Ղուլեանը, պետնախարար Գրիգորի Մարտիրոսեանը, Հայաստանի Հանրապետութեան կրթութեան, գիտութեան, մշակոյթի եւ սպորտի նախարար Արայիկ Յարութիւնեանը, բարձրաստիճան պաշտօնեաներ, ներկայացուցիչներ սփիւռքէն եւ հիւրեր արտերկիրէն:

Input your search keywords and press Enter.