Անօդաչու թռչող սարքերու Digital «UAV» Forum 2019 միջազգային համաժողովը կը կայանայ Երեւանի մէջ

Հայաստանի մէջ առաջին անգամ կազմակերպուող «Արհեստական բանականութեան եւ անօդաչու թռչող սարքերու, Digital UAV Forum 2019» միջազգային համաժողովը կը կայանայ սոյն թուականի Հոկտեմբերի 16-էն 20-ը Հայաստանի ազգային պոլիտեքնիկական համալսարանի եւ «Այբ» դպրոցի հիմքին վրայ:

Ինչպէս «Արմենպրես»-ին յայտնեցին Հայաստանի ազգային պոլիտեքնիկական համալսարանէն՝ համաժողովի կազմակերպիչներն են «Հայաստանի ազգային պոլիտեքնիկական համալսարան (ՀԱՊՀ)» հիմնադրամը,  «Մոսկուայի օդանաւային ինստիտուտը (ՄԱԻ)», «Այբ» դպրոցը, «Լոկատոր» փակ բաժնետիրական ընկերութիւնը եւ «ՀՀ Տեղեկատուական եւ հեռահաղորդակցական տեքնոլոգիաներու գործատուներու միութիւնը (ՏՀՏԳՄ)»:

Համաժողովը կ՛իրականացուի գիտակրթական եւ գիտահետազօտական կազմակերպութիւններու անձնակազմի կարողութեան զարգացման եւ ամրապնդման, ինչպէս նաեւ տաղանդաւոր երիտասարդներուն գիտութեան, տեքնոլոգիաներու եւ կրթութեան ոլորտներէ  ներս ներգրաւելու եւ համախմբելու համար նպաստաւոր պայմաններ ստեղծելու նպատակով:

Input your search keywords and press Enter.