Հալէպի հիւսիսին իրավիճակը կը շարունակէ լարուած մնալ

Հալէպի հիւսիսին կը շարունակուին կատաղի մարտերը քրդական միաւորումներուն եւ Անկարայի գլխաւորած ուժերուն միջև: Ըստ Հալէպի լրատու կեդրոնին՝ Սուրիոյ դեմոկրատական ուժերուն կողմէ հրթիռակոծուեր է Ազազ բնակավայրն ու անոր շրջակայ գիւղերը:

Միաժամանակ երկու կողմերն ալ լուրեր կը տարածեն հակառակորդ կողմի կորուստներուն մասին:

Նոյնպիսի իրավիճակ է նաեւ Մանբիջ քաղաքէն արեւմուտք:

Մանբիջի բնակիչները տօնախմբութիւններ կազմակերպեր էին Սուրիական կառավարական բանակի (ՍԱԱ) ուժերը դիմաւորելու համար, որոնք ամերիկեան ստորաբաժանումներու դուրսբերումէն ետք ստանձնեցին քաղաքի վերահսկողութիւնը: Այս պահին Սուրիական կառավարական ուժերը կը վերահսկեն Մանբիջի եւ շրջանի 1,030 քառակուսի կիլոմետր տարածքը: 

Սուրիակն կառավարական բանակի քաղաք մտնելէն յետոյ, Ռուսաստանի Դաշնութեան Ռազմական Ոստիկանութիւնն իր առաջին պարեկային ծառայութիւնը կատարեր է:

Ասոր մասին ՏԱՍՍ-ին յայտներ է ՌԴ զինուած ուժերու ռազմական ոստիկանութեան սպայ Ս. Սաֆարովը՝ աւելցնելով, որ տեսադաշտին Ռուսաստանի դրօշակի երեւալէն յետոյ բոլոր տեսակ ռազմական գործողութիւններն անմիջապէս կը դադրին: Քանզի երկու կողմերն ալ չեն ցանկար վնասել ռուս զինուորներուն:

Input your search keywords and press Enter.