Հայ Ազգային Խորհուրդ մը Ֆրանսայի մէջ

Յատկապէս ուրախ եմ, որ 2019-ի Օգոստոսին մասնակից դարձայ FRANCK MULLER Group ընկերութեան սեփականատէր եւ Հայաստան ներդնում կատարող Վարդան ՍԸՐՄԱԿԵՍ-ի գլխաւորած պատուիրակութեան ուղեւորութեան՝ դէպի Հայաստան:

10-օրեայ այցէն ետք պատուիրակութիւնը թոյլ տուաւ բոլոր ներկայ ներդրողներուն՝ 

  1. Գնահատելու իրավիճակը Հայաստանի եւ Արցախի մէջ
  2. Գնահատելու ընթացիկ նախագիծերու կացութիւնը
  3. Քննարկելու երկրի նոր հնարաւորութիւնները
  4. Նաեւ Հայաստանի աշխարհաքաղաքական խնդիրները

Այս հարցերով մեզ ընդունեց՝

-Պարոն Տիգրան ԱՒԻՆԵԱՆ-ը՝ ՀՀ-ի Փոխ Վարչապետը

-Պարոն Արարատ ՄԻՐԶՈՅԵԱՆ-ը՝ ՀՀ-ի Ազգային Ժողովի Նախագահը,

-Պարոն Զարէհ ՍԻՆԱՆԵԱՆ-ը՝ Սփիւռքի գործերու արտակարգ յանձնակատարը, 

-Պարոն Հայկ ՄԱՐՈՒԹԵԱՆ-ը՝ Երեւանի Քաղաքապետը,

-Պարոն Արսէն ԹՈՐՈՍԵԱՆ-ը՝ Առողջապահութեան Նախարարը

-Պարոն Նիկոլ ՓԱՇԻՆԵԱՆ-ը՝ ՀՀ-ի Վարչապետը,

-Պարոն Բակօ ՍԱՀԱԿԵԱՆ-ը՝ Արցախի Հանրապետութեան Նախագահը,

-Պարոն Գրիգորի ՄԱՐՏԻՐՈՍԵԱՆ-ը՝ Արցախի Հանրապետութեան Վարչապետը,

-Պարոն Մասիս ՄԱՅԻԼԵԱՆ-ը՝ Արցախի Հանրապետութեան Արտաքին Գործոց շ

 Նախարարը,

-Պարոն Արթուր ՄԵՍՃԵԱՆ-ը՝ Մայրաքաղաք Երեւանի Գլխաւոր Ճարտարապետը,

-Պարոն Արայիկ ՅԱՐՈՒԹԻՒՆԵԱՆ-ը՝ Արցախի նախկին Վարչապետը,

Ինչ ուրախութիւն է, որ «ՀԱՄԱՀԱՅԿԱԿԱՆ» 7-րդ խաղերու մեկնարկին ներկայ գտնուեցայ ՀՀ վարչապետ Նիկոլ ՓԱՇԻՆԵԱՆ-ի, ինչպէս նաեւ Արցախի Հանրապետութեան Նախագահ Բակօ ՍԱՀԱԿԵԱՆԻ ելոյթներուն:

«Ես եկեր եմ խօսելու ո՛չ միայն Արցախի՝ այլեւ Հայաստանի մասին, որովհետեւ Արցախը Հայաստան է եւ վերջ: Ըսաւ Նիկոլ ՓԱՇԻՆԵԱՆԸ»։

Վարչապետը ողջունեց ամբողջ աշխարհէն եկած երիտասարդութիւնը:

Աւելի քան 25,000 մարդ ներկայ էր Արցախի մայրաքաղաքի ՍՏԵՓԱՆԱԿԵՐՏ անունը կրող մարզադաշտին եւ անոր շրջակայքին մէջ:

Վարչապետը՝ պարոն Նիկոլ ՓԱՇԻՆԵԱՆԸ, ողջունեց նաեւ պարոն Վարդան ՍԻՐՄԱԿԵՍ-ի կարեւոր ներդրումները Հայաստանի մէջ:

Բացման արարողութեան ժամանակ ՀՀ վարչապետն ու Արցախի նախագահը 3 անձի պատուեցին.

  1. Պարոն Պոյաճեանին՝ որպէս սոյն հանդիսութիւններու հովանաւոր,
  2. Պարոն Վարդան ՍԸՐՄԱՔԵՍ-ին՝ որպէս սոյն հանդիսութիւններու հովանաւոր,
  3. ՀՀ-ի Անվտանգութեան Տնօրէն Պարոն Արթուր ՎԱՆԵՑԵԱՆ-ին՝ որպէս յուսալի կազմակերպիչը Համահայկական 7-րդ խաղերու աշխատանքներուն:

Մեր հանդիպումներուն ընթացքին՝ ես ներկայացուցի Ֆրանսայի հայ համայնքէն ներս տիրող անհանգիստ իրավիճակը՝ կապուած քանի մը մարդկանց կողմէ հաստատուած արգելափակման, ատոր ընդլայնման եւ Համայնքի կենսական հնարաւորութիւններու չարաշահման պատճառով:

Այսպիսով մեր Համայնքի գոյութեան ներոյժը անցած է ոչ ընտրեալ եւ ինքնահռչակ խմբակի մը ձեռքը, որ օրինականութիւն չունի Ֆրանսայի իշխանութիւններուն մօտ Հայկական Համայնքը ներկայացնելու համար:

Ցաւալի է նշել, որ մեր Համայնքը տեսլական չունի ապագայի վերաբերեալ, եւ անոր քաղաքական դիրքերը պառակտուած են, ուստի եւ Ֆրանսայի Համայնքը այն իշխանութիւնն ու իրաւասութիւնը չունի, պաշտպանելու համար իր իրաւունքները, եւ Հայ Ազգի ներոյժը ենթարկուած է ուծացման:

Այս պատճառներով  ալ անհնարին դարձած է Հայ Համայնքի տաղանդներուն զարգացումը, երիտասարդ սերունդներու պատրաստումը, պահպանութիւնն ու մշակութային զարգացումը, անոր լաւագոյն կարողութիւններուն արտացոլումը:

Այս իրողութիւններէն ելլելով, ես որոշեցի Հայաստանի Հանրապետութեան կառավարութեան անդամներուն ներկայացնել Ֆրանսայի մէջ նոր կառուցուածքային հարթակ ստեղծելու նախագիծ՝ առաջնորդուելով Հայաստանի Հանրապետութեան, Արցախի Հանրապետութեան եւ Արեւմտեան Հայաստանի Հանրապետութեան առանցքներուն սպառնացող մարտահրաւէրներով, հիմք ընդունելով Ֆրանկոֆոնիայի XVII գագաթնաժողովին ընդունուած որոշումները՝ Ֆրանսայի Հանրապետութեան Նախագահ Էմանուէլ Մակրոնի բարձր հովանիին ներքոյ եւ Հայաստանի Հանրապետութեան Վարչապետ պարոն Նիկոլ Փաշինեանի կողմէ,  կայուն զարգացման եւ փոխադարձ աջակցութեան տեսլականով:

Այսօր, աւելի քան երբեւէ՝ մեր Համայնքի հացերը ահռելի են:Այլեւս կարելի չէ մնալ աջ կամ ձախ կողմերու վրայ։

Խօսքը իրական հաւակնութիւն ունենալու մասին է, առաջնորդութիւն մը, որ կը մարմնաւորէ բոլորիս, Հայու բոլոր թանկագին արժէքները:

Խօսքը մէկ նախագիծի շուրջ համախմբուելու եւ հաւաքուելու մասին է, որ կը ներգրաւէ իւրաքանչիւր հայու՝ որտեղ ալ ան գտնուի, եւ ինչպիսին ալ ըլլան անոր քաղաքական մօտեցումները:

Խօսքը բոլոր հայերուն հետ երկխօսելու մասին է այն նախագիծին շուրջ, որ մենք կը ցանկանանք միասին ստեղծել:

Կ՛առաջարկեմ իւրաքանչիւր հայու, որ յաջորդ Հոկտեմբեր ամսուան դրութեամբ, ներկայացնէ օգտակար “հարթակ”՝ ՀԱՅԿԱԿԱՆ ԱԶԳԱՅԻՆ ԽՈՐՀՈՒՐԴԸ ամրապնդելու համար:

Մինչեւ 2019-ի աւարտը, այս ամիսներու խորհրդակցութենէն յետոյ, մենք կ՛առաջարկենք մեր գործող Նախագահին, Ազգային խորհուրդի անդամներուն եւ պատկան գրասենեակին հետ, որ կ՛աշխատի այդ ուղղութեամբ, կազմակերպել Սեւրի Պայմանագիրի հարիւրամեակը, նպատակ ունենալով այս առիթով հաւաքելու բոլոր հայերը, ովքեր մտահոգ են ամրապնդելու հայութեան միասնական ժողովրդավարական եւ պաշտօնական ներկայացուցչութիւնը բոլոր իշխանութիւններուն առջեւ:

Առանց համահաւաքի՝ կարելի չէ յաջողցնել որեւէ բան։

 

  Ռէմի ՄԱՔԻՆԱՃԵԱՆ

Հայ Ազգային Խորհուրդի խորհրդատուական հարթակի խօսնակ

Input your search keywords and press Enter.