Ռոմանիոյ մէջ բացուեր է Հայոց լեզուի եւ մշակոյթի օր հռչակելու օրէնքի ընդունման նուիրուած ցուցահանդէս

Ռոմանիոյ խորհրդարանի շէնքին մէջ Հոկտեմբերի 15-ին Ռոմանիոյ մէջ Հայաստանի Հանրապետութեան դեսպանութեան նախաձեռնութեամբ եւ ՀՀ ԿԳՄՍ նախարարութեան, «Մատենադարան» Մեսրոպ Մաշտոցի անուան հին ձեռագիրներու գիտահետազօտական ինստիտուտի ու Ռոմանահայոց միութեան աջակցութեամբ բացուեր է «Հոկտեմբերի 12-ն Ռոմանիոյ մէջ Հայոց լեզուի, այբուբենի եւ մշակոյթի օր հռչակելու» օրէնքի ընդունման կապակցութեամբ կազմակերպուած ցուցահանդէսը։

Ցուցահանդէսի բացման ելոյթներով հանդէս եկեր են Ռոմանիոյ խորհրդարանի Պատգամաւորներու պալատի նախագահ Իոն-Մարչել Չիոլակուն, Ռոմանիոյ մէջ ՀՀ դեսպան Սերգէյ Մինասեանը եւ օրէնքի համահեղինակները։ Ներկաները ծանօթացեր են հայկական այբուբենի ինքնատիպութեան, Մատենադարանէն ներս պահուող հայ միջնադարեան որոշ ձեռագիր մատեաններու պատկերազարդումներուն եւ մանրանկարչութեան: Միջոցառման ներկայ գտնուեր են խմբակցութիւններու ղեկավարներ, պատգամաւորներ եւ բազմաթիւ ԶԼՄ-ներու ներկայացուցիչներ:   

Input your search keywords and press Enter.