Հայկական լաւաշն աշխարհի 50 լաւագոյն հացատեսակներու շարքին. CNN

Հայկական լաւաշը յայտնուեր է աշխարհի 50 լաւագոյն հացատեսակներու ցանկին։ Համապատասխան յօդուածը լոյս տեսեր է ամերիկեան հեղինակավոր CNN պարբերականի էջերուն:

Նկատենք, որ յօդուածով ներկայացուած են աշխարհի 50 լաւագոյն հացի տեսակներ: Այդ ցուցակին մեջ երկրորդ տեղը գրաւած է հայկական լաւաշը:

«Հայկական լաւաշը կը խորհրդանշէ կեանքի առատութիւնն ու բարգաւաճումը: Միգուցէ այդ է պատճառը, որ լաւաշ պատրաստելու գործընթացը կը պահանջէ նաեւ  հարազատներու մասնակցութիւն»,- կը նշուի յօդուածով Panorama.am-ի փոխանցմամբ։

Յօդուածով կը յիշեցնեն, որ հացը այնպիսի կարեւոր դեր կը խաղայ Հայաստանի մշակոյթէն ներս, որ ան ընդգրկուեր է ԻՒՆԵՍԿՕ-ի ոչ նիւթական ժառանգութեան ցանկին:

Ըստ  CNN- ի՝  50 լաւագոյն հացի տեսակներու ցանկին  ներառնուած են այնպիսի երկիրներ, ինչպէս Աֆղանստանը, Բրազիլիան, Եգիպտոսը, Աւստրալիան, Բանգլադեշը, Կանադան, Չիլին, Չինաստանը, Եթովպիան և այլն:

Input your search keywords and press Enter.