ԻՒՆԵՍԿՕ-ի կեդրոնակայանին տեղի կ՛ունենան Կոմիտասի եւ Թումանեանի 150 ամեակներուն նուիրուած միջոցառումներ

ԻՒՆԵՍԿՕ-ի կեդրոնակայանին՝ Փարիզի մէջ, Հոկտեմբերի 18-ին կը բացուի Յովհաննէս Թումանեանի ծննդեան 150 ամեակին նուիրուած «Զրոյց ժամանակի հոլովոյթին մէջ» խորագիրով ցուցահանդէսն ու Կոմիտասի 150 ամեակին նուիրուած համերգը: «Արմենպրես»-ի հաղորդմամբ, կարեւոր այս միջոցառումներուն մասնակցելու նպատակով Փարիզ մեկներ է  ՀՀ ԿԳՄՍ նախարար Արայիկ Յարութիւնեանի գլխաւորած պատուիրակութիւնը:

Ցուցահանդեսին կը ներկայացուին Յովհաննէս Թումանեանի եւ համաշխարհային մեծերու տարածաժամանակային առնչութիւնները, անոնց երեւակայական զրոյցն ու գնահատականը իրարու: Ցուցադրութեան մէջ ներառնուեր են նաեւ Յովհաննէս Թումանեանի ստեղծագործութիւններու՝ երեք տասնեակէն աւելի լեզուներով թարգմանութիւններու տարբեր հրատարակութիւնները (105 գիրք), տպագրական այլ նիւթեր: Ցուցահանդէսի կազմակերպիչն ու իրականացնողը «Յովհաննէս Թումանեանի թանգարան» ՊՈԱԿ-ն է:

Հոկտեմբերի 20-ին, Վարդապետի յոբելեանի կապակցութեամբ, Հայաստանի պետական սենեկային երգչախումբի մասնակցութեամբ Փարիզի Սուրբ Յովհաննէս Մկրտիչ եկեղեցէն ներս տեղի կ՛ունենայ հոգեւոր երաժշտութեան համերգ:      

Input your search keywords and press Enter.