Ասադը կը նախազգուշացնէ Էրդողանին

ԿԻԼԻԿԻԱ —  Ֆալէհ ալ-Ֆայյադի հետ հանդիպման ժամանակ՝ Սուրիոյ նախագահ Բաշշար Ասադը յայտարարեր է, որ Դամասկոսը պիտի օգտագործէ բոլոր օրինական միջոցները, որոնք կը պատասխանեն թրքական ոտնձգութեան:

Սուրիոյ առաջնորդ Բաշշար Ասադն առաջին անգամ մեկնաբաներ է իր երկրի հիւսիսին Թիւրքիոյ ռազմական գործողութիւնները։ Ան անկարայի գործողութիւնները անուաներ է յանցաւոր ոտնձգութիւն եւ ներխուժման վառ օրինակ։ Ասոր մասին նախագահը յայտարարեր է Իրաքի ազգային անվտանգութեան հարցերով խորհրդական Ֆալէհ ալ-Ֆայյադի հետ հանդիպման ժամանակ։

«Այս յանցաւոր յարձակումը, որ կ՛իրականացուի մեր երկրին դէմ Էրդողանի վարչակարգին կողմէ, ներկայիս կը հանդիսանայ բացայայտ ոտնձգութիւն եւ ներխուժման վառ օրինակ»,-ըսեր է ան։

«Որոշ արտասահմանեան երկիրներ մտադրութիւն չունին տարածաշրջանին մէջ վերջ տալու իրենց նենգ քաղաքականութեան: Սուրիոյ տարածքին թրքական յարձակողական գործողութիւնը այս քաղաքականութեան շարունակութիւնն է, թէեւ ան կ՛իրականացուի կեղծ նախազգուշացումներու շղարշին տակ», — նշեր է Ասադը:

Ահաբեկչութեան դէմ պայքարը պէտք է սկսիլ ճնշումով այն պետութիւններուն վրայ, որոնք կ՛աջակցին Սուրիոյ եւ Իրաքի տարածքին ահաբեկչական կազմակերպութիւններուն — յայտարարեր է Սուրիոյ նախագահ Բաշշար Ասադը;

Ալ-Ֆայյադը Ասադին յայտներ է այն ջանքերուն մասին, զորոնք կը ներդնէ իրաքեան կառավարութիւնն ու ժողովուրդը ահաբեկչութեան դէմ պայքարին: Ան հաստատեր է սուրիա-իրաքեան յարաբերութիւններու ամրութիւնը, եւ նշեր է համատեղ գործողութիւններու անհրաժեշտութիւնը՝ յաղթահարելու համար դժուարութիւնները, որոնք կը խանգարեն ահաբեկչութեան դէմ պայքարին:

Input your search keywords and press Enter.