Այս շաբաթ Մեսրոպ Մաշտոցի անուան հին ձեռագրատան՝ Մատենադարանին մէջ աւարտուին հասան Գրիգոր Նարեկացիին նուիրուած 5-րդ՝ յոբելեանական ընթերցումները, զորոնք մտայղացեր եւ իր ժամանակին նախաձեռներ էր Մատենադարանի երջանկայիշատակ տնօրէն Հրաչեայ Թամրազեանը:

Մատենադարանի այժմյան տնօրէն Վահան Տէր-Ղեւոնդեանը պատմեց, որ այս 5 տարիներուն ընթացքին տեղի ունեցած «Նարեկացիական ընթերցումներու»-ն կամ միջազգային գիտաժողովներուն ժամանակ ոչ միայն չափազանց ուշագրաւ բանախօսութիւններ հնչեր են, այլեւ անպայման տեղի ունեցեր են նարեկացիագիտական նոր գիրքերուն եւ Նարեկացիի ստեղծագործութիւններու այլալեզու գիրքերուն շնորհանդէսները։

Այս գիտաժողովին ընթացքին գիտական շրջանակներուն ներկայացուեցաւ վերջնական կործանումէն փրկուած, 1308 թուականի Մեծոփայ վանքին մէջ արտագրուած, Նարեկացիի գրիչին պատկանող հազուագիւտ ձեռագիր մը։

Input your search keywords and press Enter.