Բաց նամակ Սփիւռքի յանձնակատար պարոն Զարէհ Սինանեանին

ԱՐԵՒՄՏԵԱՆ ՀԱՅԱՍՏԱՆ — ՀՀ Սփիւռքի յանձնակատար պարոն Զարէհ Սինանեան: “Ես չեմ գիտեր Մեծ Հայքի մասին… Ճանաչման ռազմավարական նպատակը հայրենիքի մէջ որպէս հայ ապրիլն է։  Ճանաչումը մարտավարական քայլ է այն բազմաթիւ քայլերուն շարքին, զորս մենք կ’իրականացնենք որպէս մէկ ժողովուրդ… Սա աւելի շատ ազգային անվտանգութեան խնդիր է: Ի՞նչ կուգայ Թիւրքիոյ ճանաչումէն յետոյ: Այն միակ կառոյցը, որ կրնայ մարտավարութիւն եւ քաղաքականութիւն իրականացնել, ՀՀ-ն է: Այդ պէտք է ըլլայ պետութիւնը: Ինչ կը վերաբերի Թիւրքիային, ապա կը վստահեցնեմ ձեզի, որ ապագային այդ կ’ըլլայ Հայաստանի հետ, այլ ոչ թէ Սփյուռքի:.Մենք կ’ըսենք, որ Սփիւռքը կը ցանկանայ պայքարիլ Արեւմտեան Հայաստանի համար, բայց ինչպէս պէտք է ընթանայ այդ պայքարը: Սփիւռքը ինչպէս կը պատրաստուի վերադարձնել Արեւմտեան Հայաստանը: Եթէ կրնաք ինծի այդ հարցին պատասխանը տալ, ես միայն ուրախ կ’ըլլամ այդ լսելով։ Բայց կայ Հայաստանի պետութիւնը, որն ունի բոլոր հաստատութիւնները եւ կը վարէ արտաքին քաղաքականութիւն: Սա շատ աւելի հզօր գործիք է »:

 Անդրանիկ Գասպարեան. «Ճիշտ է,  մենք կորսնցուցինք Արեւմտեան Հայաստանը: Այսօր մենք ունինք Հայաստանն ու Արցախը որպէս մեր հայրենիք … Ո՞վ աւելի լաւ կրնայ դիմել մեր կորսնցուցած Հայաստանի համար, քան Սփիւռքը, որ ծագած է Արեւմտեան Հայաստանէն … Մենք չենք ցանկանար Հայաստանի մասին խօսիլ անցեալով, ինչպէս կը խօսինք Արեւմտեան Հայաստանի մասին »:

19 .10.2019

Ըստ ՄԱԿ-ի Ընդհանուր Ժողովի 9 Դեկտեմբեր 1948 թուականի որդեգրած թիւ 260 որոշումին, ցեղասպանութեան պայմանադրութիւնը ուժի մէջ մտաւ 12 Յունուար 1951-ին, յարգելով թիւ 13 յօդուածին կէտերը:

Եւ ըստ ՀՀ Անկախութեան հռչակագիրի յօդուած 11-ին, Հայաստանի Հանրապետութիւնը սատար կը կանգնի 1915 թուականին Օսմանեան Թիւրքիոյ եւ Արեւմտեան Հայաստանի մէջ հայերու դէմ կատարուած ցեղասպանութեան միջազգային ճանաչման գործին: 

Եւ ըստ 2007 թուականի Սեպտեմբեր 13-ին ընդունուած ՄԱԿ-ի «Բնիկ ժողովուրդներու իրաւունքներու հռչակագիր»-ին, որուն կողմ  քուէարկած են 143 պետութիւններ, որոնց մէջ Հայաստանի Հանրապետութիւնը:

Արեւմտեան Հայաստանի եւ Կիլիկիոյ բնիկ հայ ժողովուրդը ենթարկուած է ցեղասպանութեան: Այս մէկը հաստատուած է ըստ ՄԱԿ-ի Ցեղասպանութեան Կանխարգիլման եւ Պատժումի պայմանադրութեան երեք կէտերուն: 

Թրքական կառավարութենէն Արեւմտեան Հայաստանի Հանրապետութիւնը կրնայ հատուցում պահանջել, որովհետեւ ըստ միջազգային օրէնքի, Հայաստանի պետութեան (Արեւմտեան Հայաստանի տարածքին) շարունակական պետութեան սահմանները Թիւրքիոյ հետ հաստատուած են 1920 թուականի Սեւրի պայմանագիրի յօդուածներով եւ Վուդրօ Ուիլսոնի իրաւարար վճիռով դաշնակից ուժերուն հետ, որոնք կը կազմակերպեն հայ ժողովուրդի իրաւունքները Արեւմտեան Հայաստանի մէջ: 

Ըստ միջազգային օրէնքի, հատուցում կրնան պահանջել միայն Արեւմտեան Հայաստանի ու Կիլիկիոյ բնիկ հայ բնակչութեան յետնորդները եւ Ցեղասպանութենէն փրկուածներու ժառանգները: Ցեղասպանութիւն կատարուած է այդ հողամասերը բնիկ հայ բնակչութենէն պարպելու եւ անոնց ինչքերուն ու անշարժ գոյքերուն տիրանալու համար: 

Ուրեմն կազմակերպուելով պետական համակարգի մը մէջ, Արեւմտեան Հայաստանի հայերը կրնան որպէս պետութիւն եւ բնիկ ժողովուրդի մը յետնորդներ, որ ցեղասպանութեան ենթարկուած է ու տարագրուած է, իրենց հողային հատուցումի պահանջը դնել Թիւրքիոյ եւ միջազգային ատեաններուն առջեւ։

Նկատի պէտք է առնել նաեւ իսլամացած եւ ուրիշ այլադաւան հայ մեր քոյրերու եւ եղբայրներու պարագան:

Որպէս բնիկ ժողովուրդի զաւակներ մենք կրնանք մարդկային իրաւանց միջազգային հարց բարձրացնել, բան մը զոր չի կրնար կատարել այսօրուայ Հայաստանի Հանրապետութիւնը, որուն քայլը կրնայ նկատուիլ ոտնձգութիւն միջազգային սահմաններու, ինչպէս որ տեղի ունեցաւ Արցախի հարցի պարագային: 

Արցախը ամենալաւ օրինակն է բնիկ ժողովուրդի մը ինքնորոշման իրաւունքին: Նոյնը կարելի է օգտագործել տարագիր հայ ժողովուրդի պարագային:

Արեւմտեան Հայաստանի Ազգային Ժողով (Խորհրդարան)

Input your search keywords and press Enter.