Յարգանքի տուրք ՝ Արդէն Շելլեֆեանին

Ուրբաթ օրը՝ Նոյեմբերի 1-ին, մեզմէ յանկարծակի հեռացաւ Արդէն Շելլեֆեանը:

Արդէնը 68 տարեկան էր։ Ծնած է 1951-ի Սեպտեմբեր 25-ին, Կոստանդնուպոլսոյ մէջ, Արեւմտան Հայաստանի` Մշեցիներու եւ Կեսարիացիներու ընտանիքէն:

Արդէնը մեծ հայրենասեր էր, մեծ եղբայր, ինչպիսին իւրաքանչիւր հայ կ՛երազէր ունենալ:

Արդէնը  փայլուն մտաւորական էր:

Մեծ դիւանագէտ Արդէնը միշտ կը պաշտպանէր Արեւմտեան Հայաստանի եւ հայութեան իրաւունքներուն հարցը՝ բոլոր ատեաններուն եւ պետական իշխանութիւններուն առջեւ: 

Արդէնը կը սիրէր դասաւանդել եւ փոխանցել Հայաստանի, Արցախի պատմութիւնը, ինչպէս նաեւ հայ ժողովուրդի իրաւունքներու վերականգնման խնդիրը՝ կապուած անոնց բնիկութեան եւ ինքնիշխանութեան հետ:

Ամբողջ աշխարհի հայութիւնը, Հայաստանը որպէս ամբողջութիւն եւ յատկապէս Արեւմտեւան Հայաստանը՝ կորսնցուցին իրենց ամենագեղեցիկ աստղերէն մէկը, մեր այն մէկ մասնիկը, որ այսօր մեզ կը լքէ: Աստուած թող լուսաւորէ իր հոգին։

Արդէն Շելլեֆեանի յուղարկաւորութեան արարողութիւնը տեղի կ՛ունենայ Նոյեմբերի 8-ին, ժամը 13:30-ին Ժընեւի Սուրբ Յակոբ հայկական եկեղեցւոյն մէջ՝ Թրոինեքս 64 փողոց, 1256 Թրոինեքս, Ժընեւ, Զուիցերիա:

Հեգեհանգստեան արարողութիւնը կը կատարէ Պատուելի հայր Գուսան Ալջանեանը։

Input your search keywords and press Enter.