Ամբողջ աշխարհի հայերը պէտք է յիշեն Պարոն Արդէն Շելլեֆեանին

ԱՐԵՒՄՏԵԱՆ ՀԱՅԱՍՏԱՆ — Աբողջ աշխարհի հայերը կորսնցուցին մեծ հայրենասէր մը, ով անձնուիրաբար նուիրուեր էր հայերու իրաւունքները հաստատելու գործին:

Մենք կրնանք միայն խոնարհիլ այս մեծ մարդուն առջեւ, ով շատ լաւ կը հասկնար Արեւմտեան Հայաստանի հայերու ազգային զարթօնքի կարեւորութիւնը։

Առերեսուելով հայերու շարունակական բնաջնջման նաեւ ցեղասպանութենէն յետոյ, ինչպէս նաեւ ընդունուած ու ճանչցուած միջազգային իրաւունքներու չկիրառուելուն, Պարոն Արդէն Շելլեֆեանը յստակ քայլեր կը ձեռնարկէր այդ իրաւունքներն ու մարտիրոսուած ժողովուրդի արժանապատւութիւնը վերականգնելու համար։

Իւրաքանչիւր ազգ պէտք է վառ անհատականութիւններ ունենայ ճանչցուելու համար, իսկ պարոն Արդէն ՇԵԼԼԵՖԵԱՆԸ այդպիսի գործիչներէն մէկն էր:

Պարոն Արդէն ՇԵԼԼԵՖԵԱՆԸ մեծ ոգեւորութեամբ կը խօսէր այն մասին, թէ ինչն է ամենէն մօտ իր սրտին ՝ ազգային ինքնութեան պահպանումը:

Եթէ մեր կեանքին մէջ ունեցած ենք յիշարժան պահեր, ապա անոնցնէ մէկն էր այն պահը, երբ կը ստանայինք Արեւմտեան Հայաստանի քաղաքացիութեան եւ ինքնութեան հաւաստագիրը: Այդ պահն աւելի յիշարժան էր, քանի որ ես պատիւն ունեցայ զայն ստանալու Նախագահութեան կողմէ՝ պարոն Արդէն Շելլեֆեանի ներկայութեամբ։

Կը ցանկանամ իմ խորին ցաւակցութիւնս յայտնել անոր ընտանիքին, եւ կը յայտնեմ իմ խոնարհումս այս հայուն առջեւ, ով անչափ կը սիրէր իր երկիրն ու իր ժողովուրդը:

Լիդիա Մարկոսեան

Արեւմտեան Հայաստանի Խորհրդարանի Պատգամավոր

 Ժընեւ, 2019 թուականի Նոյեմբեր 3

Input your search keywords and press Enter.