ԱՄԷ-ն կը ստեղծէ Միջին Արեւելքի մէջ խոշորագոյն պաշտպանական համախմբումը

ԱՄԷ-ի 25 պետական եւ անկախ ընկերութիւններ կը միաւորուին՝ ստեղծելու համար Միջին Արեւելքի խոշորագոյն պաշտպանական խումբերէն մէկը: Ասոր մասին յայտարարեր է Աբու Դաբիի թագաժառանգ արքայազն Շէյխ Մուհամմէդ բին Զայդ ալ-Նահեանը, որ նաեւ ԶՈւ գերագոյն գլխաւոր հրամանատարի տեղակալն է: Նոր համախմբումը կը կոչուի Edge:

Ան կը միաւորէ 22 ոչ պետական ընկերութիւններ Emirates Defence Industries, Emirates Advanced Investments Group եւ Tawazun Holding պետական ընկերութիւններուն հետ մէկտեղ: Կ՛ենթադրուի, որ հսկայի պաշտպանութեան տակ պիտի աշխատի 12 000 մարդ:

Edge-ի նոր առաջնորդը խոստովաներ է, որ ընկերութիւնը կը ձգտի օգնելու ԱՄԷ-ի զինուած ուժերուն՝ արագ ստանալու ինչպէս ծրագրային ապահովումը, այնպէս ալ տեղային սպառնալիքները վերացնելու համար անհրաժեշտ սարքաւորումները:

Edge-ի կառավարիչ տնօրէն Ֆէյսալ ալ Բաննաին նշեր է, որ Edge-ի նպատակը ինքնապաշտպանուելու ԱՄԷ-ի ինքնիշխան հնարաւորութիւնն ապահովելն է, ինչպէս նաեւ տնտեսութիւնը զարգացնելը մինչեւ այն պահը, երբ «կը վերջանայ նաւթի վերջին տակառը»: 

Input your search keywords and press Enter.