Մուշի Սբ Մարինէ եկեղեցին ոչնչացման եզրին է

Արեւմտեան Հայաստանի Մուշի Քալէ թաղամասին գտնուող Սբ Մարինէ եկեղեցին ձգուած է բախտի քմահաճոյքին: Եկեղեցիի պատերուն մեծ մասն ու տանիքը փլած են, իսկ մնացած պատերուն վրայ ճեղքեր յառաջացած են: 

Մուշի մշակոյթի եւ զբօսաշրջութեան նահանգային վարչութեան ինտերնետային կայքին «արգելագօտի» յայտարարուած եկեղեցիին տարածքը՝ քաղաքի շարք մը այլ պատմական վայրերուն նման, յայտնուեր է գանձագողերու թիրախին:

2012 թ.-ի Նախարարներու խորհուրդին որոշմամբ՝ եկեղեցիին տարածքն ու հարակից շրջանները, ուր կային բազմաթիւ հայկական հին շինութիւններ, յայտարարուեցան «քաղաքային վերափոխման տարածք»։ Յետագային դատական գործ հարուցուեցաւ, որուն ընթացքին դատարանը արգելք դրաւ եկեղեցիին հետ կապուած որեւէ գործողութիւն կատարելուն վրայ:

Մուշի Սբ Մարինէ եկեղեցին Մուշ քաղաքի եօթ եկեղեցիներէն էր։ Կը համարուէր Տարօնի ամենագեղեցիկ եկեղեցին, զոր երբեմն կ՛անուանէին Կաթողիկէ: Արեւմտեան Հայաստանի Մուշի տարածքին գործող ու կանգուն եկեղեցիներէն այսօր ոչ մէկը կը գործէ, աւելին` բոլորը պղծուած են, քանդուած, կողոպտուած կամ խոնարհուած են:

 

Input your search keywords and press Enter.