Դամասկոսը կը սպառնայ հարուածելու Ռաս ուլ-Այնի եւ Թէլլ Աբիադի թրքական բանակին

ԿԻԼԻԿԻԱ — «Եթէ Թիւրքիան չհեռանայ Թէլլ Աբիադէն եւ Ռաս ուլ-Այնէն, ապա Սուրիական բանակը ռազմական գործողութեամբ կը վերցնէ այդ տարածքները», — Նոյեմբերի 6-ին, Չորեքշաբթի օրը յայտարարեր է Սուրիական կառավարութեան աղբիւրը:

«Սուրիոյ Դեմոկրատական ուժերու (SDF) եւ Դամասկոսի միջեւ համաձայնագիրի ստորագրումէն յետոյ երբ Սուրիական բանակը մտաւ իր երկրի հիւսիսային շրջանները՝ Անկարան սկսեցաւ պայքարիլ իր նպատակին հասնելու համար, Սուրիոյ վրայ յարձակելով», — յայտներ է Al-Ahed News լրատուական կայքի աղբիւրը:

«Այս համաձայնագիրը չէզոքացուց այն պատրուակը, որով Թիւրքիան կը շարունակէր իր ներխուժումը Սուրիոյ տարածք։ Էրդողանի ծրագիրը ամբողջութեամբ ձախողեցաւ՝ Սուրիական զինուորներու մուտքով երկրի արեւելեան եւ հիւսիս-արեւելեան տարածքները», — աւելցուցեր է աղբիւրը:

«Երբ Սուրիական ուժերը լիովին տեղակայուին սահմաններուն վրայ, աւարտին կը հասցուին ռուս-թրքական համատեղ պարեկային ծառայութիւնները»։

Ըստ այս աղբիւրին՝ սահմանային շրջաններուն այդ պարեկային գործողութիւններու շարունակական վարումը լիովին բացառուած է: «Եթէ Թէլլ Աբիադն ու Ռաս ուլ-Այնը վերադարձնելու քաղաքական գործընթացը յաջողութեամբ չպսակուի՝ ռազմական տարբերակը կը մնայ միակ լուծումը, վերջ տալու համար այս շրջաններու թրքական բռնագրաւման», — կրկնեց Սուրիոյ նախագահը քանի մը օր առաջ։

Ըստ Սուրիոյ նախագահին՝ ռազմական տարբերակը նոյնպէս կը մնայ սեղանին, որպէսզի   Իդլիբ նահանգէն (հիւսիս-արեւմուտք) ահաբեկիչները դուրս բերուին:

Ան անդրադարձաւ Ռուսաստանի եւ Հիւսիսային Սուրիոյ քրդերուն միջեւ վերջերս ձեռք բերուած համաձայնագիրին, որ նպատակ ունէր հեշտացնելու Սուրիական բանակի մուտքը հիւսիսային շրջաններ:

 

Input your search keywords and press Enter.