Սու անունով Վանայ կատուն, յաղթելով միջազգային մրցոյթին, նուաճեր է բոլոր մրցանակները

Արեւմտեան Հայաստանի Վանայ կատուներու առանձնատան պաշտպանութեան եւ խնամքին տակ գտնուող կատուներէն մէկը՝  Սուն «Երջանիկ կատուներ» գեղեցկութեան միջազգային մրցոյթին նուաճեց առաջին տեղը՝ բոլոր կարգերուն:

Այսպիսով, ան դարձաւ ախոյեաններու ախոյեան՝ մասնակից բոլոր կատուներուն մէջ:

Ժիւրիի գլխաւոր չափանիշներն էին՝ աղուամազի որակը, գլխու եւ պոչի կառուցուածքը։

Ամբողջ աշխարհէն բազմաթիւ կատուներու ցեղատեսակներ մասնակցեցան Կոստանդնուպոլսոյ “Երջանիկ կատուներ” գեղեցկութեան միջազգային մրցոյթին՝ գրեթէ 200 կատու 15 երկիրներէ։ Մենք ի հարկէ գիտէինք, որ մեր Վանայ կատուներն ամենագեղեցիկն են աշխարհի երեսին:

Մեզի համար շատ կարեւոր է, որ Վանայ կատուն միջազգային գրանցում ստացաւ։ Այսուհետեւ, շնորհիւ այդ գրանցման՝ մենք պիտի շարունակենք աւելի գիտականօրէն ներկայացնել մեր երկրի խորհրդանիշ կենդանիի ծագումնաբանութիւնը:

Input your search keywords and press Enter.