Ռոբերտ Մենենդեսն ԱՄՆ-ի Սենատին կոչ ըրեր է ճանչնալու Հայերու դէմ կատարուած ցեղասպանութիւնը

ԱՄՆ-ի Սենատի միջազգային յարաբերութիւններու կոմիտէի անդամ Ռոբերտ Մենենդեսը Սենատի մէջ ունեցած իր ելոյթին քննադատեր է Թիւրքիոյ յարձակումները Սուրիոյ քիւրդերուն վրայ, եւ ընդհանրապէս՝ անոր տարածաշրջանային անթուլատրելի վարքագիծը:

Ռոբերտ Մենենդեսը նշեր է, որ Սենատը պէտք է ընդունի  Հայերու դէմ կատարուած Ցեղասպանութիւնը ճանչցող բանաձեւը՝ հետեւելով Ներկայացուցիչներու պալատի օրինակին:

Ռոբերտ Մենենդեսը յիշեցուցեր է Ուաշինգտոնի մէջ Էրդողանի թիկնապահներուն յարձակումը խաղաղ ցուցարարներուն վրայ, եւ նշեր է, որ Ներկայացուցիչներու պալատին կողմէ Հայերու դէմ կատարուած ցեղասպանութեան բանաձեւի ընդունումէն յետոյ՝ Թիւրքիան ջանք չի խնայեր այդ բանաձեւին ընդունումը Սենատին կողմէ  արգիլելու համար: Ըստ անոր՝ Անկարան գիտէ, որ եթէ բանաձեւը քուէարկութեան դրուի, ապա այն կ՛ընդունուի:

Սենատորը շեշտեր է, որ Սենատը պէտք է տեղի չտայ թիւրքական ճնշումներուն, եւ անյապաղ ճանչնայ Հայերու դէմ կատարուած ցեղասպանութիւնը:

Input your search keywords and press Enter.