Թիւրքիային զայրացուցեր է Երեւանի մէջ ցեղասպանութեան մասին Յունաստանի նախագահի յայտարարութիւնը

Թիւրքիոյ արտգործնախարարութեան մամուլի խօսնակ Համի Աքսոյը արձագանքեր է Հայերու դէմ կատարուած ցեղասպանութեան վերաբերեալ Յունաստանի նախագահ Պրոկոպիոս Պավլոպուլոսի յայտարարութեան, ինչը վերջինիս ըրեր էր Հայաստան կատարած իր այցին ընթացքին:

«Կը տեսնենք, որ Յունաստանը կը շարունակէ մնալ Թիւրքիոյ դէմ թշնամաբար տրամադրուածներու շարքերուն մէջ, եւ կ՛աջակցի մեր երկրին դէմ արտայայտուող տեսակէտներուն եւ դիրքորոշումներուն»,- նշեր է Աքսոյը։

Վերջինս, առաջ քաշելով շարք մը անհիմն պնդումներ՝  «Յոյներուն կողմէ թիւրքերուն եւ այլ օսմանցի քաղաքացիներուն նկատմամբ վայրագութիւններ իրականացնելուն» վերաբերեալ, նշեր է, որ  այսօր ալ Աթենքը ճնշումներ կը գործադրէ Յունաստանի մէջ բնակող թիւրք փոքրամասնութեան վրայ։

Անդրադառնալով ցեղասպանութեան հարցին՝ թիւրք պաշտօնեան նշեր է.

«1915-ի դէպքերուն հարցով Թիւրքիոյ դիրքորոշումն արտայայտուեր է նախագահ Էրդողանին կողմէ՝ անոր վարչապետութեան շրջանին, 2014-ի Ապրիլ 23-ին հրապարակած յայտարարութեան մէջ: Այլ բացատրութեան կարիք չկայ»։

Պաշտօնական այցով Հայաստան այցելած Յունաստանի Հանրապետութեան նախագահ Պրոկոպիոս Պավլոպուլոսը Հայաստանէն ուղերձ հղեր է Թիւրքիային: Յունաստանի նախագահը, ՀՀ նախագահ Արմէն Սարգսեանին հետ մամուլի համար համատեղ յայտարարութեան ընթացքին անդրադառնալով Հայերու դէմ իրականացուած ցեղասպանութեանն ու Պոնտոսի յոյներուն դէմ կատարուած ցեղասպանութեան՝ յայտարարեր էր, որ Թիւրքիան պէտք է հաշտուի իր պատմութեան հետ եւ պատասխան տայ:

Input your search keywords and press Enter.