Սերգէյ Լաւրովը Նոյեմբերի 10-էն 11-ը պաշտօնական այցով կուգայ Հայաստան

Ռուսաստանի Դաշնութեան արտաքին գործոց նախարար Սերգէյ Լաւրովը Նոյեմբերի 10-էն 11-ը պաշտօնական այցով կուգայ Հայաստան:

Ասոր մասին Նոյեմբերի 8-ին տեղի ունեցած ճեպազրոյցին ընթացքին յայտներ է Ռուսաստանի Դաշնութեան Արտաքին գործոց նախարարութեան պաշտօնական ներկայացուցիչ Մարիա Զախարովան:

«Այցի շրջանակներուն մէջ կը նախատեսուին հանդիպումներ ՀՀ վարչապետին եւ նախագահին հետ, բանակցութիւններ` արտաքին գործոց նախարարին հետ, ինչպէս նաեւ ծաղկեպսակի խոնարհում Հայոց ցեղասպանութռան զոհերու յիշատակի համալիրի անմար կրակին մօտ»,- ըսեր է Զախարովան:

Զախարովան աւելցուցեր է, որ արտաքին գործոց նախարարները բանակցութիւններու ընթացքին կը քննարկեն երկկողմ յարաբերութիւններու լայն շրջանակը, փոխգործակցութիւնը ԵԱՏՄ-ի, ՀԱՊԿ-ի եւ ԱՊՀ-ի շրջանակներէն ներս, դիրքորոշումը ՄԱԿ-ի  ԵԱՀԿ-ի Եւրոպայի խորհրդէն ներս եւ այլ միջազգային կազմակերպութիւններէ ներս:

Input your search keywords and press Enter.