Երեւանի վարած արտաքին քաղաքականութիւնը հաւասարակշռուած է. Լաւրով

Երեւանը կը վարէ հաւասարակշռուած, պատասխանատու արտաքին քաղաքականութիւն, — ըսեր է Ռուսաստանի արտաքին գործոց նախարար Սերգէյ Լաւրովը՝ հայկական «Մեդիամաքս» գործակալութեան տուած իր հարցազրոյցին:

«Նկատելի է հայ ընկերներուն յանձնառութիւնը՝ պահպանելու եւ ամրապնդելու Ռուսաստանի հետ ռազմավարական գործընկերութիւնն ու դաշնակցային յարաբերութիւնները, եռանդուն մասնակցութիւնը ետխորհրդային տարածքին տարբեր բազմակողմանի միութիւններուն», — ըսեր է Լաւրովը:

Անոր խօսքով՝ ԵԱՏՄ-ի հանդէպ Հայաստանի ներկայ մեծ հետաքրքրութիւնն ու արդիւնաւետ նախագահութիւնը ատոր յստակ հաստատումն է:

«ՀԱՊԿ-ի շրջանակներուն մէջ Մոսկուան եւ Երեւանը համատեղ կ՛աշխատին հաւաքական անվտանգութեան ուժերու եւ միջոցներու ներուժի  աստիճանական զարգացման ուղղութեամբ: Մեր հայ գործընկերներուն հետ կը ձգտինք նաեւ առաւելագոյնի հասցնել ԱՊՀ-ի հնարաւորութիւնները, որոնք կը միաւորեն նախկին ԽՍՀՄ-ի հանրապետութիւններուն մեծ մասը», — նշեր է ՌԴ ԱԳՆ ղեկավարը:

Input your search keywords and press Enter.