Թիւրքիոյ կառավարութիւնը կ՛աշխատի Կեդրոնական Ասիայէն Կիլիկիան եւ Սուրիան վերաբնակեցնելու ուղղութեամբ

ԿԻԼԻԿԱ  — Ռաս ուլ-Այնի (Serêkaniyê) եւ Թէլլ Աբիադի (Girê Spî) գրաւումէն ընդամենը քանի մը շաբաթ անց սկսեցաւ շրջանի «թրքացումը»: Ըստ ներկայ տեղեկութիւններու՝ Թիւրքիոյ գաղթի գլխաւոր վարչութիւնն սկսեր է նախապատրաստել Կեդրոնական Ասիոյ «Թրքական պետութիւններէն» ընտանիքներու վերաբնակեցումը Սուրիոյ երկու հիւսիսային քաղաքներուն մէջ:

Գաղթի գլխաւոր տնօրինութիւնը, զոր կը համակարգէ թրքական գաղտնի ծառայութիւնը՝ Ազգային Հետախուզական կազմակերպութիւնը, Կոստանդնուպոլսոյ, Հաթայի, Այնթէպի եւ Ուրֆայի կեդրոններուն, սկսեր է պատրաստել փախստականներու վերաբնակեցումը Ռաս ուլ-Այնէն (Serêkaniyê) Թէլլ Աբիադ (Girê Spî) երկարող գրաւեալ միջանցքի ապաստարաններուն մէջ։

Կեդրոնական Ասիայէն մարդկանց վերաբնակեցումը Սուրիա

Ըստ ներկայ տեղեկութիւններուն՝ Ազգային Հետախուզական կազմակերպութիւնը կը հանդիպի այն ընտանիքներուն հետ, ովքեր Թիւրքիա գաղթեր են այսպէս կոչուած թրքական պետութիւններէն, ինչպիսն են Արեւելեան Թիւրքիստանը, Թիւրքմենիստանը, Ուզբեկսիտանը, Տաջիկիստանը, Ատրպէյջանը եւ Աֆղանիստանը՝ վերաբնակեցման հարցով զանոնք համոզելու նպատակով։

Նախ եւ առաջ բնակեցման համար կ՛ընտրուին «Սուրիոյ ազգային բանակ» (SNA) անուան տակ հանդէս եկող եւ Թիւրքոյ աջակցութիւնն ստացող գրոհայիններուն ընտանիքները: Տարածաշրջանին զանոնք վերաբնակեցնելու համար իրենք կը ստանան հնարաւոր բոլոր օժանդակութիւնները Գաղթի մարմինի, Թիւրքիոյ Կարմիր մահիկի եւ AFAD-ի (Աղետներու եւ արտակարգ իրավիճակներու կառավարման նախագահութիւն) կողմէ:

Մինչ այժմ ռազմավարական նշանակութեան կէտերուն վրայ հաստատուեր են Թիւրքիոյ կողմէ հովանաւորուող տարատեսակ ահաբեկչական խումբեր։ Թիւրքիան իր այս քայլերը կը ներկայացնէ ըստ Ադանայի 1998 թուականի Հոկտեմբեր 20-ի համաձայնագիրին (տես՝ Անգորայի համաձայնագիր, 1921 թ.-ի Հոկտեմբեր 20)։ Էրդողանը յայտներ է իր դիրքորոշումը․ «Մենք չենք նահանջեր, քանի դեռ միւս երկիրները չեն նահանջած։ (…) Մենք ունինք Ադանայի համաձայնագիրին նման փաստաթուղթ մը։ Մենք կը շարունակենք մեր դիրքը այստեղ այն լիազօրութիւններով, որ մեզի կուտայ Ադանայի համաձայնագիրը»:

Թրքական պետութիւնն արդէն նոյն մարտավարութիւնը վարեր է Աֆրինի, Ազազի եւ Ջարաբլուսի մէջ:

Input your search keywords and press Enter.