Սուրբ Ղազար կղզիի Մխիթարեան միաբանութեան համալիրը հեղեղուեր է

ԱՐԵՒՄՏԵԱՆ ՀԱՅԱՍՏԱՆ -Վենետիկի բնակիչներուն համար աղետալի երեկոյ էր: Երեքշաբթի երեկոյեան Իտալիոյ հիւսիսարեւելեան քաղաքը տպաւորութիւն  կը ձգէ, որ ամբողջովին ջուրի տակ յայտնուած է: 

«Բարձր ալիք»-ի այս երեւոյթը չէ պատահած աւելի քան 50 տարի, այն ալ ջուրի 1,87 մետր բարձրացումով:

Լուսանկարները ցոյց կուտան աւերիչ տեսարանները: Բազմաթիւ նաւակներ մխրճուեր են մայթերուն, մինչ բնակիչները ստիպուեր են պատուհաններու միջով մուտք գործելու շէնքերէն ներս: Առնուազն երկու մարդ մահացեր է:

Ինչպէս կ՛երեւայ կից լուսանկարներէն, «Բարձր ալիքը» չէ խնայած Սուրբ Ղազար կղզիի Մխիթարեան հայրերու վանքը:

Նախագահ Արմենակ ԱԲՐԱՀԱՄԵԱՆը դէպքէն հազիւ թէ 24 ժամ առաջ այնտեղ գտնուած ըլլալով՝  կը կիսէ հայրերու անհանգստութիւնը:

«Մխիթարեան հայրերուն կուտակած դժուարութիւններու փորձը գագաթնակէտին հասած է։ Բոլորի բարօրութեան համար՝ Արեւմտեան Հայաստանը պատրաստ է ամեն միջոցով օգնութիւն ցուցաբերելու հայրերուն, անոնց ցանկութեան պարագային»:

Input your search keywords and press Enter.