Տարածքի բնակիչները կը նշեն, որ եթէ այդպէս շարունակուի, եկեղեցին կը մնայ աղբակոյտերուն տակ:

Քաղաքապետարանին կողմէ գոյացած շինարարական աղբին մէջ կորեր է Էրզրումի Ազիզիյէի Գեզքէօյ թաղամասի հայկական Սուրբ Մինաս եկեղեցին:

Յիշեցնենք, որ եկեղեցին կառուցուեր է հայերու կողմէ 1790 թուականին եւ այժմ ալ ոչնչացուման  սպառնալիքի տակ է։ Ան անհատի մը սեփականութիւնը դարձեր է Առաջին համաշխարհային պատերազմէն յետոյ (1914-1918): Եկեղեցին, որ կը պատկանի Գերմանիա ապրող Սաբրի Էրգին անունով քաղաքացիի մը, 2010 թուականին գրանցուած է որպէս պատմական յուշարձան: Եկեղեցիի ներքին պատերու որմնանկարները առհասարակ ջնջուեր են, իսկ պատերը քանդուեր են գանձ որոնողներուն կողմէ:

Քաղաքապետարանը յայտարարեր էր, որ եկեղեցին վերականգնելու համար կը պահանջուի Էրգինի թոյլտւութիւնը, սակայն վերջինս չէ տուած անհրաժեշտ թոյլտւութիւնը:

 

Input your search keywords and press Enter.