Թիւրքիոյ անվտանգութեան խորհուրդի նիստին քննարկուեր է Հայերու դէմ կատարուած ցեղասպանութեան հարցը

Նոյեմբերի 26-ին նախագահ Ռեջեպ Թայիպ Էրդողանի գլխաւորութեամբ տեղի ունեցեր է Թիւրքիոյ Ազգային անվտանգութեան խորհուրդի նիստը:  Չորս ժամ տեւած նիստի աւարտին՝ արդիւնքներն ամփոփող յայտարարութիւն կատարուեր է, որմէ պարզ դարձեր է, որ նիստին քննարկուեր է նաեւ տարբեր երկիրներու օրէնսդրական մարմիններուն կողմէ Հայոց դէմ կատարուած ցեղասպանութեան ճանաչումներու նիւթը:

 Յայտարարութեան՝ ցեղասպանութեան նիւթին վերաբերեալ հատուածին մասնաւորապէս ըսուած է.

«Խստօրէն դատապարտուեր է 1915-1923-ի իրադարձութիւններուն վերաբերեալ ընդունուած այն որոշումները, որոնց համար իբր թէ հիմք հանդիսացեր են պատմական ու իրաւական հիմքէ զուրկ, անհիմն պնդումները:

Միջազգային հանրութեան ուշադրութիւնը հրաուիրուեր է այն բանին վրայ, որ իրականութիւնը բացայայտելու ժամանակն է»:

Նշենք, որ նիստին ընթացքին քննարկուեր են նաեւ Սուրիոյ հիւսիսին Թիւրքիոյ կողմէ իրականացուող «խաղաղութեան ակունք» գործողութեան, անվտանգութեան գօտիի հիմնուելուն հետ կապուած հարցեր:  Նշուեր է, որ «ահաբեկիչները ոչնչացնելու եւ տեղահանուած Սուրիացիները վերադարձնելու համար յարմար պայմաններ ստեղծելու նպատակով սկսուած» գործողութիւնը պիտի շարունակուի այնքան ժամանակ՝ մինչեւ որ հասնի իր նպատակին:

 

Input your search keywords and press Enter.