Արեւմտեան Հայաստանի Գրաւեալ տարածքով դէպի Եւրոպա արտահանման նպատակով կառուցուող ատրպէյջանական գազատարը հասեր է Յունաստանի սահմաններուն։ 

Ասոր մասին յայտարարեր է Թիւրքիոյ էներգետիկայի եւ բնական պաշարներու նախարար Ֆաթիհ Դէօնմէզը։

Տրանսանատոլիական գազատար ուղիի (TANAP) Ասիական հատուածի աշխատանքներու աւարտին առիթով՝ այսօր, Նոյեմբերի 30-ին Թիւրքիոյ արեւմտեան Իսփալա քաղաքին մէջ հանդիսաւոր բացման արարողութիւն տեղի կ՛ունենայ, որուն ներկայ կը գտնուի նախագահ Ռեջեպ Թայիպ Էրդողանը։

TANAP-ի՝ Եւրոպա հասնելու տօնակատարութեան կը մասնակցին նաեւ 7 երկիրներու ներկայացուցիչներ, ինչպէս՝ Ատրպէյջանի նախագահ Իլհամ Ալիեւը։

Ատրպէյջանի «Շահ Դենիզ» հանքավայրէն արդիւնահանուող գազը դէպի Եւրոպա  կ՛ուղարկուի Վրաստանի եւ Արեւմտեան Հայաստանի տարածքով։ 

Սա համաշխարհային ծաւալով ամենախոշոր գազատար ուղիի նախագիծերէն է (1850 կմ երկարութեամբ) եւ կ՛անցնի Թիւրքիոյ եւ Արեւմտեան Հայաստանի շուրջ 20 նահանգներով, մասամբ՝ նաեւ Մարմարա ծովով։

 

Input your search keywords and press Enter.