84-ամեայ հայուհին կը ցանկանայ դիմել ՄԻԵԴ՝ իր ընտանեկան ժառանգութիւնը ետ ստանալու նպատակով

Հայաստանի մէջ միայնակ ապրող՝ 84-ամեայ Արաքսի Դեմիրճեանը՝ իր մօրն ու տատին պատկանող անշարժ գոյքը ետ ստանալու յոյսով կը ցանկանայ դիմել Հայաստանի վարչապետին եւ Մարդու իրաւունքներու Եւրոպական դատարան: Օսմաներէն եւ արաբերէն գրուած փաստաթուղթերն ու թարգմանութիւնները Արաքսին կը պահէ պահարանի մէջ, — կը յայտնէ Ermenihaber.am կայքը:

Արաքսի Դեմիրճեանին մայրը՝ Մարիամ Կաճիկեան-Դեմիրճեանը, սեփականութեան վկայականներով տուփը բերեր է Արեւելեան Հայաստան, եւ ամբողջ կեանքը խօսեր է անոր մասին, սակայն աղջիկը՝ Արաքսին, այս փաստաթուղթերը իր մօր իրերուն մէջէն գտեր է միայն անոր մահէն ետք:

Երբ Արեւմտեան Հայաստանի Խարբերդ քաղաքին մէջ տղամարդկանց կոտորեր են՝ Արաքսիի տատը, Մարթան, իր երեք աղջիկներուն հետ Հալէպ փախչեր է: Ան Հալէպի մէջ դիմեր է պատկան մարմիններուն՝ գոյքը ետ ստանալու համար, սակայն յաջողութեան չէ հասած:

Ըստ այդ փաստաթուղթերուն՝   1929 թ.-ին Մարիամը Թիւրքիոյ մէջ ունեցած է 8300 լիրայի գոյք, իսկ Մարթան՝ 9700 լիրայի:

Արաքսի Դեմիրճեանը թարգմաներ է այդ փաստաթուղթերը, տարիներ շարունակ դիմեր է  շարք մը կառոյցներու՝ սակայն ոչ մէկ արդիւնքի հասած է: Նոյնիսկ Թիւրքիա գացեր է, զրուցեր է իրաւաբաններու հետ՝ բայց ապարդիւն:

Այս անգամ Արաքսին կ՛ակնկալէ վարչապետ Նիկոլ Փաշինեանի աջակցութիւնը, եւ կը ցանկանայ  դիմել ՄԻԵԴ՝ իր ընտանեկան ժառանգութիւնը ետ ստանալու համար:

 

Input your search keywords and press Enter.