Հայաստանի գրողներու միութեան 85-ամեակին առիթով Նոյեմբերի 29-ին միութեան մէջ բացուեցաւ ցուցահանդէս, որուն ներկայացուած են դասական եւ ժամանակակից գրողներու անհատական եւ խմբակային լուսանկարները:

«Արմենպրես»-ի թղթակիցին հետ զրոյցի ժամանակ ՀԳՄ նախագահ Էդուարդ Միլիտոնեանն ըսաւ, որ 85 տարուան ընթացքին միութեան անդամները մասնակցեր են բազմաթիւ միջոցառումներու, եղեր են տարբեր վայրերու մէջ ու անմահացուցեր են իրենց յիշողութիւնները խմբակային լուսանկարներով նաեւ, որոնք ներկայացուած են ցուցահանդէսին:

Խօսելով գրողներու միութեան կարեւոր դերին մասին` Միլիտոնեանն ըսաւ, որ այն բազմաթիւ գործառոյթներ կ՛իրականացնէ: «Մենք «Գրական թերթ»-ին միջոցով կը բացայայտենք շնորհալիներ, իսկ «Գրեթերթ»-ին միջոցով հարթակ կը տրամադրուի երիտասարդ ստեղծագործողներուն: Ան նշանակալի համարեց թարգմանական գրականութեան զարգացումը, միջազգային հարթակներու մէջ հանդէս գալը, տարբեր կազմակերպութիւններու, այլ երկրներու գրողներու միութիւններուն հետ աշխատանքը, ընթերցողներու հետ հանդիպումները:

 

Input your search keywords and press Enter.