Սուրիական կառավարական ուժերը Իդլիբի շրջանին ետ մղեր են Ալ Նուսրայի ահաբեկիչներուն

Ըստ ՍԱՆԱ լրատուականին, կառավարական ուժերը կրկին կասեցուցեր են յարձակումները ահաբեկչական ուժերու, որոնց մեծ մասը «Թահրիր ալ-Շամ» խմբաւորումէն են. ահաբեկիչները  կը փորձէին ներթափանցել Իդլիբի հարաւարեւելեան Աջազ գիւղը:

Սուրիական բանակը ծանր կորուստներ պատճառած է իսլամիստներուն, եւ ետ շպրտեր է զանոնք սահմանային գօտիէն:

Բացի այդ, Սուրիական ուժերը կանխեր են ջիհադականներու յարձակումը Կաֆրայյա գիւղին վրայ եւ վերացուցեր են զանոնք՝ իրենց պայթուցիկ սարքերով լեցուն երկու մեքենաներով հանդերձ:

  Զուգահեռաբար, զինեալներու հետ կատաղի բախումներ սկսեր են Իստաբլաթ եւ Ռասմ ալ-Ուարդ բնակավայրերուն մօտ, ուր եւս լուրջ վնասներ կրեր են ահաբեկիչները:

Input your search keywords and press Enter.