ՆԱՏՕ-ի գագաթնաժողովէն առաջ Թիւրքիայէն ուղերձներ

ՆԱՏՕ-ի գագաթնաժողովը, որուն պատճառով դաշնակիցներուն միջեւ լարուածութիւն կը հասունանայ, կը սկսի Լոնդոնի մէջ: Նախագահութեան հանրային կապերու գիծով նախագահ Ֆահրետտին Ալթունը, ՆԱՏՕ-ի գագաթնաժողովէն առաջ կատարեց ուղերձ, որ Թիւրքիան կը շարունակէ մնալ դաշինքի «կենսական կարեւոր մէկ մասը»։ Յայտարարվեց նաեւ, որ Էրդողանն ու Պուտինը կրկին պիտի հանդիպին Յունուարի սկիզբը՝ S-400-ները տեղափոխելու հարցով:

Գագաթնաժողովի ընթացքին, որ տեղի պիտի ունենայ Դեկտեմբերի 3-էն 4-ը, պիտի հանդիպին Թիւրքիոյ Նախագահ Թայիպ Էրդողանը, ԱՄՆ-ի նախագահ Դոնալդ Թրամփը, Ֆրանսայի նախագահ Էմանուէլ Մակրոնը, Գերմանիոյ կանցլեր Անգելա Մերկելը եւ Մեծ Բրիտանիոյ վարչապետ Բորիս Ջոնսոնը եւ շարք մը այլ ղեկավարներ:

Գագաթնաժողովին կրկին պիտի քննարկուին Թիւրքիային, Բալթեան երկիրներուն եւ Լեհաստանին վերաբերող անվտանգութեան ծրագիրներ։

Ալթունը յայտարարելով, որ Թիւրքիան ՆԱՏՕ-ի կարեւոր մէկ մասն է, աւելցուց․«Ինչպէս որ չէ փոխուած Թիւրքիոյ աշխարհագրութիւնը, այնպէս ալ մենք Բալկաններէն մինչեւ Կեդրոնական Ասիա զարգացուցեր ու խորացուցեր ենք մեր մշակութային աշխարհագրութիւնը։ Մեր նուիրուածութիւնը մեր աշխարհագրութեան, մշակոյթին եւ ընդհանուր անվտանգութեան՝ պիտի չփոխուի:

Թիւրքիան, ամեն տարի պաշտպանութեան համար աւելի մեծ ծախսեր կը կատարէ՝ համեմատած Ֆրանսայի եւ Գերմանիոյ պէս հզօր տերութիւններուն։

Նախագահութեան Անվտանգութեան եւ արտաքին քաղաքականութեան խորհուրդի անդամ Իսմայիլ Սաֆին ալ յայտարարեց, որ․ «Թիւրքիան պէտք է ձեռք բերէ S-400 հակահրթիռային պաշտպանութեան համակարգեր Ռուսաստանէն: Սա չի նուազեցներ ՆԱՏՕ-ի պաշտպանական հնարաւորութիւնները, ընդհակառակը, կ՛աւելցնէ զայն: Այնուամենայնիւ, մենք զանոնք կը գնենք ոչ թէ ՆԱՏՕ-ի՝ այլ մեր սեփական ՀՕՊ-ի ուժեղացման համար»: 

Input your search keywords and press Enter.