Արեւմտեան Հայաստանի կառավարութեան մամլոյ հաղորդագրութիւնը

Դեկտեմբերի 13-ի երեկոյեան, Երեւան — Բէյրութ հեռախօսային զրոյց տեղի ունեցավ՝ Արեւմտեան Հայաստանի Հանրապետութեան Վարչապետ Գառնիկ Սարգիսեանի ու “Սուրիական Ազգային Սոցեալական” Կուսակցութեան նախագահ Պրն. Ֆարէս Սա՛ատ-ի միջև: Զրուցակիցները ընդհանուր քննարկումներ կատարեցին  փոխադարձ հետաքրքրութեան արարկայ շարք մը հարցերու շուրջ:

Երկու կողմերը քննարկեցին տարածաշրջանի եւ մանաւանդ Սուրիոյ անցուդարձերու հետեւանքով յառաջացած խնդիրները՝ Կիլիկիոյ եւ Արեւմտեան Հայաստանի ապագայ ազատագրման անհրաժեշտութեան լոյսին տակ:

Կողմերու մօտեցումներն ու դիրքորոշումները բացարձակապէս համահունչ էին՝ յատկապէս ներկայիս արհեստականօրէն գոյատեւող Թիւրքիոյ ապագային մասին, շեշտը դնելով այն իրողութեան վրայ, որ այս պետութիւնը չի կրնար տարածաշրջանի ապագայ ձեւաւորման գործընթացին մաս կազմել իր ներկայ սահմաններով: Երկու կողմերուն   համար ալ ան կը հանդիսանայ որպէս անմիջական վտանգ մը, որ կը սպառնայ տարածաշրջանին, եւ տեղի բնիկ ժողովուրդներու խաղաղ ու կայուն ապագայ բարգաւաճան:

Զրոյցակիցները անդրադարձան նաեւ 2020-ի ընթացքին ոգեկոչուելիք քաղաքական շարք մը դեպքերու 100 ամեակներուն, սկսելով 19 Յունուարին Հայաստան Պետութեան միջազգային Դէ ֆակտօ ճանաչման, ապա 10 Օգոստոսին անցնելու Սեւրի խաղաղութեան դաշնագիրին, իսկ 22 Նոյեմբերին Ուիլսոնի իրաւարար վճիրին, ուստի եւ համաձայնեցան համագործակցիլ հնարաւոր բոլոր միջոցներով:

Հարկ է յիշել թէ “Սուրիական Ազգային Սոցեալական” Կուսակցութեան հիմնադրման սկզբունքներուն հիմնաքառը՝ տարածաշրջանի բնիկ ժողովուրդներու ինքնիշխանութեան հրամայականն է: Հետեւաբար, ան Արեւմտեան Հայաստանի Հանրապետութեան կողմէ կը նկատուի որպէս տարածաշրջանի իր բնական կարեւոր դաշնակիցներէն մէկը:

Հեռախօսային զրոյցը տեւեց մօտ 22 վայրկեան, որու աւարտին երկու կողմերը վերահաստատեցին իրենց բարեկամութեան եւ համագործակցութեան աննկուն վճռակամութիւնը մինչեւ յաղթանակ: 

Input your search keywords and press Enter.