ԱՐԵՒՄՏԵԱՆ ՀԱՅԱՍՏԱՆ —  Մէկ տարուայ աշխատանքէն ետք՝ Բանիոյի մէջ գտնուող Արեւմտեան Հայաստանի Ազգային Խորհուրդի մեր հիմնադիր անդամները, կը կարծեմ, մասնաւորապէս Հրաչ Փիլիբոսեանը, Գիւյ Քաշանեանը, Նունիկ Նորհատեանը, Բրիջիթ Նոդէն եւ միւս բոլորը, ովքեր 2004 թուականին ցերեկ ու գիշեր հանդիպումներ ունենալով, թարգմանութիւններ, հետազօտութիւններ եւ ուսումնասիրութիւններ կատարելով՝ ունեցան անվերջ հեռախօսազրոյցներ Հայաստանի եւ Արցախի հետ (երբ դեռ ինտերնետային ցանցը լաւ զարգացած չէր), եւ 2004 թուականի Նոյեմբեր 08-ին որոշում կայացուցին յայտարարերու Արեւմտեան Հայաստանի Հայերու Ազգային Խորհուրդի կազմաւորման մասին, եւ որոշում ընդունեցին անոր մասին յայտարարելու Շուշի քաղաքէն՝ 2004 թուականի Դեկտեմբեր 17-ին:

Նաեւ այդ օրը, 2004 թ.-ի Դեկտեմբեր 17-ին, ի թիւս այլոց՝ ներկայ էին Կոմիտաս Դանիէլեանը, Աշօտ Բալայեանը, զօրավար Վիտալի Բալասանեանը, գնդապետ Վաչագան Իշխանեանը, եւ կը գտնուէինք Շուշիի Ղազանչեցոց տաճարին դիմաց, Արցախի Մարտիկներու Կազմակերպութեան անդամ քանի մը մարտիկներու առկայութեամբ՝  որոնց պաշտօնական ներկայացուցիչն էի ես այդ ժամանակ, եւ միասին կարդացինք կցուած պաշտօնական յայտարարութիւնը:

http://www.western-armenia.eu/stat.gov.wa/arm/2004/HaydararutyunHAKH-17.12.2004.pdf

Այնուհետեւ, մենք հանդիպեցանք գնդապետ Վաչագան Իշխանեանին մօտ՝ նշելու համար այս հռչակագիրի հրապարակումը, նոյն օրը, քանի մը անձեր՝ ովքեր չէին կրցած ներկայ գտնուիլ այդ արարողութեան, զանգահարեցին հեռախօսներով՝ յայտնելու համար իրենց միացումը մեզի, եւ այդպիսով Եւրոպայէն, Միացեալ Նահանգներէն, Ռուսաստանէն, Միջին Արեւելքէն, Ջաւախքէն, Հայաստանի Հանրապետութենէն, Արցախէն եւ Արեւմտեան Հայաստանէն մեզի միացան մօտ 50 հոգի, ովքեր ծանր պարտականութիւնը վերցուցին կազմելու Արեւմտեան Հայաստանի Ազգային Խորհուրդի կորիզի։

Արեւմտեան Հայաստանի Ազգային խորհուրդը այսօր 15 տարեկան է: Տասնհինգ տարուայ մարտական ծառայութիւն եւ դիմադրութիւն՝ Արեւմտեան Հայաստանի եւ անոր ժողովուրդին համար, յառաջ ընթանալով մեր երկու հենասիւններով՝ մեր բնիկութեան ու Արեւմտեան Հայաստանի պետականութեան ինքնիշխանութեան, որ ճանչցուած է բոլոր մեծ տէրութիւններուն կողմէ:

Արեւմտեան Հայաստանի ազգային խորհուրդն իր ուղիին վրայ հանդիպեր է արտակարգ տղամարդկանց եւ կանանց, եւ ընդհակառակը։

Օրինակ, Հայր Սահակ Մաշալեանի վերջին յայտարարութիւնը «որ կը պնդէ, թէ անբարոյեականութիւն է Միացեալ Նահանգներու Սենատին կողմէ ճանչնալը՝ 1915-1923 թուականներուն հայերու դէմ կատարուած ցեղասպանութեան»:

Այստեղ կ՛ուզեմ յիշեցնել, որ այդ ճանաչումը գրեթէ ամբողջութեամբ կը համապատասխանէ Արեւմտեան Հայաստանի Ազգային Խորհուրդի հիմնադիր հռչակագիրի 11-րդ յօդուածին, ուր կը նշուի. Յօդուած 11․ Ազգային խորհուրդը կը ցանկանայ զօրակցիլ 1894-1923թթ․-ներուն թրքական յաջորդական կառավարութիւններուն կողմէ Հայերու դէմ իրականացուած ցեղասպանութեան միջազգային ճանաչման՝ թիւրքերուն կողմէ իր գրաւեալ տարածքին (Արեւմտեան Հայաստան, Հայրենիք)։

Նաեւ, որպէս Արեւմտեան Հայաստանի Ազգային Խորհուրդի նախագահ՝ Սեւրի Պայմանագիրի Հարիւրամեակի նախօրէին, ի յիշատակ իմ ժողովուրդիս տառապանքին, ես իմ հերթիս կը յայտարարեմ, որ Հայր Մաշալեանի հռչակագիրները անբարոյեական են՝ քանի որ ան կասկածի տակ կը դնեն ԱՄՆ-ի Ծերակոյտին կողմէ ճանաչումը Հայոց դէմ կատարուած ցեղասպանութեան, որ տեղի ունեցեր է գրաւեալ Արեւմտեան Հայաստանի տարածքին, 1915-1923 թուականներուն:

Եւ կը պահանջեմ, որ Հայր Սահակ Մաշալեանը ներողութիւն խնդրէ հայ ազգէն եւ անյապաղ հրաժարական տայ:

Ես կոչ կ՛ընեմ իմ հերթիս ամբողջ աշխարհի հայութեան, որ միասնական ճակատով դէմ կանգնինք Թիւրքիոյ յաջորդական կառավարութիւններու դաւադրութեան, ինչը կը դառնայ լաւագոյն միջոցը հայ ազգին համար՝ որպէսզի արտայայտէ իր վրդովմունքը Թիւրքիոյ ցեղասպանական քաղաքականութեան հանդէպ, եւ այդպէս սկսելու 1920-ին Սեւրի մէջ կնքուած Խաղաղութեան միջազգային պայմանագիրի հարիւրամեակի ոգեկոչումը:

 

Արմենակ ԱԲՐԱՀԱՄԵԱՆ

Արեւմտեան Հայաստանի Ազգային Խորհուրդի Նախագահ

Input your search keywords and press Enter.