Այսօր Ագուլիսի հայերու դէմ կատարուած ջարդերու 100-րդ տարելիցն է

Այսօր Ագուլիսի հայերու դէմ կատարուած ջարդերու 100-րդ տարելիցն է։ Մէկ դար առաջ՝ 1919թ.-ի Դեկտեմբեր 24-էն 25-ը խաղաղ հայ բնակչութիւնը ենթարկուեցաւ զանգուածային կոտորածի, իսկ Նախճաւանի այս հինաւուրց հայկական բնակավայրը վերածուեցաւ աւերակի։

Ատրպէյջանական իշխանութիւնները վերջնականապէս հայաթափելով Նախճաւանը՝ իրականացուցին նաեւ հայկական մշակութային ժառանգութեան համակարգուած եւ զանգուածային ոչնչացումը: Որպէս հետեւանք՝ ամբողջովին աւերակուեցան հազարաւոր քրիստոնէական յուշարձաններ: Այս ամենը  համաշխարհային պատմութեան մէջ պիտի մնայ որպէս մշակութային վայրագութիւններու անգերազանցելի դրսեւորում:

Արժանայիշատակ է, որ Հայաստանի առաջին հանրապետութեան կառավարութիւնը ի պատասխան այս ջարդերուն՝ դիմեր էր միջազգային հանրութեան, մասնաւորապէս Անտանտի երկրներուն՝ իր տարածքին իրականացուող բռնութիւնները կանխարգիլելու եւ տարածաշրջանի հայերու անվտանգութիւնն ապահովելու կոչով:

 

Input your search keywords and press Enter.