Հայկական առաջին օրգանական գինին՝ միջազգային ցուցահանդէսին

«Գինիի մշակոյթն օրէ օր կը զարգանայ, եւ աշխարհի երեսին  առաւել տարածում կը գտնէ օրգանական գինեգործութիւնը: Ինչո՞ւ օրգանական, քանի որ ան ի տարբերութիւն աւանդական գինեգործութեան՝ կ՛արտադրուի առանց քիմիկան միջոցերով մշակուած խաղողի: Այսինքն, նախ պէտք է օրգանական խաղողագործութիւն  սկսիլ, ու անկէ ետք հումքը օրգանական գինիի վերածել: 

Վայոց ձորի Արենի համայնքէն ներս երեք տարի է՝ որ զարկ տրուած է օրգանական խաղողագործութեան, իսկ այս տարի Հայաստանը արտադրեց առաջին  օրգանական գինին՝ խորհրդանշական «6100», «Խաչմերուկ» անուններով: Սեւ արենի տեսակի խաղողէն ստացուող «6100»-ը կը խորհրդանշէ Հայաստանի գինեգործութեան իսկական տարիքը:

Հայաստանի խաղողագործութեան եւ գինեգործութեան հիմնադրամի տնօրէն Զարուհի   Մուրադեանն ըսաւ, որ «Օրգանական գինիի պահանջարկը նոյնիսկ ներքին շուկային մէջ այնքան մեծ է, որ արտադրուած քանի մը հազար շիշէն չեն կրնար մեծ քանակով արտահանել»:

Input your search keywords and press Enter.